Türkiyəli aktrisa Alina Boz və həyat yoldaşı Umut Evirgenlə bağlı gözlənilən xəbər açıqlanıb.
Alina Boz artıq üç aylıq hamilədir. Cütlüyün körpəsinin cinsiyyəti də bəlli olub. Onlarınqız övladıgözlədiyi bildirilir.
Alina Boz və Umut Evirgen münasibətlərinə başladıqdan qısa müddət sonra evlilik qərarı veriblər. Cütlük 2 dekabr 2023-cü ildə İstanbulun Emirgan ərazisində, “Halas 71” gəmisində keçirilən mərasimlə nikah masasına oturub.
Evliliklərindən sonra da tez-tez birlikdə görüntülənən cütlük bir müddət maqazin gündəminin əsas mövzularından olub. Onların münasibəti ilə bağlı zaman-zaman ayrılıq və hamiləlik iddiaları yayılsa da, bu xəbərlər təsdiqlənməyib.
İndi isə Alina Boz və Umut Evirgen ilk dəfə valideyn olmağa hazırlaşırlar. Körpənin dünyaya nə vaxt gələcəyi ilə bağlı isə hələlik rəsmi məlumat verilməyib.
Leyla Demokrat.az
