Hollivudun məşhur aktyoru Erik Roberts ailə həyatındakı ən böyük kədərini yenidən gündəmə gətirib. Aktyor yeganə övladı, aktrisa Emma Robertsin toyunda iştirak etməyib.
Demokrat.az xəbər verir ki, Emma Roberts və aktyor Kodi Con həftəsonu yaxın dostları və ailə üzvlərinin qatıldığı romantik mərasimlə evləniblər. Toyun diqqət çəkən qonaqları arasında Emma Robertsin bibisi, dünya şöhrətli aktrisa Julia Roberts də olub. Lakin gəlinin atası Erik Roberts mərasimdə görünməyib.
Məlumata görə, ata-qız uzun müddətdir ki, əvvəlki kimi yaxın münasibətdə deyillər. Buna görə də Emma Roberts atasını kiçik və sadə toy mərasiminə dəvət etməyib.
70 yaşlı Erik Roberts daha əvvəl qızı ilə münasibətlərində yaşadığı problemlər barədə danışıb. Aktyor 2024-cü ildə verdiyi müsahibədə həyatının ən çətin dövrünün nə olduğu sualına belə cavab verib: "Yəqin ki, qızımla münasibətimin itməsi".
Bununla belə, Roberts qızı ilə arasında sevginin bitmədiyini vurğulayıb. O, yaşananları “ağrılı bir küskünlükdən çox, insanların bir-birini anlamaması” kimi qiymətləndirib.
Aktyor həmçinin etiraf edib ki, Emma böyüyərkən yaxşı ata ola bilməyib. O, həmin dövrdə emosional baxımdan etibarsız biri olduğunu və bunun məsuliyyətini qəbul etdiyini bildirib.
Erik Roberts qızı dünyaya gələndə keçirdiyi hissləri də xatırlayıb. O, körpə Emma ilk dəfə səsini eşidəndə ona baxmağa çalışmasını həyatının ən möhtəşəm anlarından biri adlandırıb.
Aktyorun ailə münasibətlərindəki problemlərin kökündə isə keçmişdə yaşadığı asılılıq problemləri və ailədaxili münaqişələr dayanır. Emma hələ körpə olarkən Erik Roberts ciddi şəxsi problemlərlə mübarizə aparırdı. Onun bacısı Julia Roberts də həmin dövrdə qardaşının vəziyyətinə görə Emma və anası Kelli Kunningema dəstək vermişdi.
Qızının toyunda olmaması ilə bağlı açıqlama verən Erik Roberts isə bildirib: "Qızımı sevirəm, həmişə sevmişəm və həmişə sevəcəyəm. Onun bu xüsusi gününü istədiyi kimi və istədiyi insanlarla qeyd etməsi çox gözəldir".
