Azərbaycanlı gənclər Çinin Quançjou şəhərində AQEM çərçivəsində keçirilən Bacarıqlar üzrə Yarışda "Pilotsuz uçuş aparatlarının yığılması, sazlanması və texniki xidməti" kateqoriyasında III yerə layiq görülüblər.
Demokrat.az xəbər verir ki, Sənaye və İnnovasiyalar üzrə Bakı Dövlət Peşə Təhsil Mərkəzinin məzunu Əli Məmmədov və Bərdə Dövlət Peşə Təhsil Mərkəzinin tələbəsi Rauf Mirzəyev peşə bacarıqları, innovativ düşüncə və yüksək texnologiyalar sahəsində hazırlıqları ilə Azərbaycanı uğurla təmsil ediblər.
