Təmiz xrom güzgü kimi parlayır. Bu örtük vanna otağı və mətbəx kranlarına zərif görünüş versə də, tez çirklənir və solğunlaşır.
Demokrat.az “Southern Living”ə istinadən xəbər verir ki, xrom örtük düzgün qulluq edilməzsə, cızıla, parlaqlığını itirə və ləkələnə bilər. Lakin bir neçə sadə vasitə ilə onu zədələmədən təmizləmək mümkündür.
Gündəlik tez təmizləmə
* Bir neçə damcı yumşaq qab yuma mayesini ilıq su ilə qarışdırın. * Yumşaq parça və ya süngəri məhlula batırın. * Xrom səthi diqqətlə silin ki, toz və barmaq izləri təmizlənsin. * Təmiz nəm parça ilə yaxalayın. * Ləkə qalmasın deyə dərhal mikrofiber parça ilə qurudun.
Dərin təmizləmə (ləkə və çöküntülər üçün)
Sirkə ilə:
* Bərabər miqdarda sirkə və suyu sprey qabına tökün. * Səthə püskürdün. * 2–5 dəqiqə saxlayın. * Su ilə yuyun və ya nəm parça ilə silin. * Tam qurudun.
Çörək sodası ilə:
* Soda və az miqdarda sudan pasta hazırlayın. * Ləkələrə çəkin. * Yumşaq parça ilə yüngülcə sürtün. * Su ilə yuyun və qurulayın.
Xromdakı pas necə təmizlənir?
Alüminium folqa ilə:
* Folqanı suya və ya su-sirkə qarışığına batırın. * Paslı yerləri yüngülcə sürtün. * Təmiz parça ilə silin və qurudun.
Soda pastası ilə:
* Qatı pasta hazırlayın və paslı hissəyə çəkin. * 15–25 dəqiqə gözləyin. * Yumşaq parça ilə silin və yaxşıca yuyun. * Tam qurudun.
Nə istifadə etmək olmaz?
Xrom səthlərdə metal süngər, sərt fırçalar və güclü kimyəvi maddələr (məsələn, ağardıcı) istifadə etmək olmaz. Bu, örtüyü cıza və korlaya bilər.
Ekspert Jaklin Şteyn bildirir ki, zədələnmiş xromun bərpası çox çətindir.
Nə qədər tez-tez təmizləmək lazımdır?
Həftədə bir dəfə yüngül silmək parlaqlığı qoruyur. Çox istifadə olunan yerlərdə (məsələn, kranlar) isə həftədə iki dəfə təmizləmə tövsiyə olunur.
Jalə Demokrat.az
