“Afrodita” ləqəbli Banu Alkanın mənzil qalmaqalı məhkəmədə yekunlaşıb.
Demokrat.az xəbər verir ki, məşhur aktrisa bacısı Neziha Pekduyarın adına kirayələnən evdə yaşayırmış. Problem isə mənzilin kommunal borclarının yığılması ilə başlayıb.
Ödənişlərin gecikdiyini görən ev sahibi əvvəlcə notarius vasitəsilə rəsmi xəbərdarlıq edib. Cavab almadıqda isə məsələni hüquqi müstəviyə daşıyaraq kirayə müqaviləsinin ləğvi və evin boşaldılması tələbi ilə iddia qaldırıb.
Məhkəmə prosesi davam edərkən Banu Alkan mənzili boşaltmaq qərarına gəlib və açarları sahibinə qaytarıb. Hakim evin artıq təhvil verildiyini əsas gətirərək işə xitam verib.
Lakin ulduz aktrisa məhkəmə xərclərini öz cibindən ödəməli olacaq.
İsmayıl Demokrat.az
