ABŞ ona qarşı hücumlar təşkil edən qruplaşmanın rəhbərini yaxalamaq üçün böyük məbləğdə pul mükafatı elan edərək onu axtarışa verib.
Demokrat.az xəbər verir ki, ABŞ Dövlət Departamenti "Kətaib Seyyid əl-Şuhada" qruplaşmasının lideri Haşim Fənian Rəhim əl-Saraci barəsində məlumat verən şəxsə 10 milyon dollar mükafat təyin edib. "Əbu Ala əl-Vəlai" ləqəbi ilə tanınan bu şəxs rəhbərlik etdiyi qüvvələrlə birbaşa Amerika əsgərlərini hədəf almaqda ittiham olunur.
Sözügedən qruplaşma əslində 2014-cü ildə Mosulun süqutundan sonra İŞİD terroruna qarşı mübarizə aparmaq və könüllüləri bir araya gətirmək məqsədilə yaradılmışdı. Lakin zaman keçdikcə "Kətaib Seyyid əl-Şuhada" bölgədəki ABŞ qüvvələrinə qarşı aktiv hərbi əməliyyatların əsas iştirakçılarından birinə çevrilib. İndi isə Amerika tərəfi bu hücumların arxasındakı əsas fiquru tapmaq üçün milyonlarla dollar xərcləməyə hazırdır.
Jalə Demokrat.az
