Vətəndaş İştirakçılığı üzrə Dünya Alyansının (CIVICUS) İdarə Heyətinin üzvü, tanınmış vətəndaş cəmiyyəti nümayəndəsi olan Ziya Quliyevin namizədliyi bugün 30 Saylı Suraxanı birinci seçki dairəsi DSK-sı tərəfindən qeydə alınıb.
Qeyd edək ki, Ziya Quliyev 8 Mart 1982-ci ildə Füzuli rayonunda anadan olub. 1993-cü ilin 23 Avqustuna qədər həmin rayonda təhsil alıb, Füzuli rayonu işğala məruz qaldıqdan sonra təhsilini Bakı şəhəri, Nəsimi rayonu 111 saylı orta məktəbdə başa vurub.
2000-2004-cü illərdə Bakı Dövlət Universitetinin Hüquq fakültəsində bakalavr təhsilini bitirib, 2014-2015-ci illərdə Böyük Britaniyanın Essex Universitetində Beynəlxalq İnsan Haqları Hüququ ixtisası üzrə magistr dərəcəsi alıb.
O, 2016-18-cil illərdə Avropa İttifaqı Şərq Tərəfdaşlığı Vətəndaş Cəmiyyəti Forumunun Azərbaycan üzrə milli əlaqələndiricisi, 2018-ci ildən isə CİVİCUS: Vətəndaş İştirakçılığı üzrə Dünya Alyansının İdarə Heyətinin üzvüdür.
