Azərbaycan Respublikasının Prezidenti cənab İlham Əliyevin tapşırıq və tövsiyələrinə uyğun olaraq vətəndaşların müraciətlərinin yerində dinlənilməsi və problemlərin həlli məqsədilə səyyar qəbul-görüşlər davam etdirilir.
Demokrat.az xəbər verir ki, təsdiq olunmuş qrafikə əsasən, Hacıqabul Rayon İcra Hakimiyyətinin başçısı Sevindik Hətəmov 25 dekabr 2025-ci il tarixdə Hacıqabul şəhərində növbəti səyyar qəbul-görüş keçirmişdir. Qəbulda hüquq-mühafizə orqanlarının rəhbər şəxsləri, icra hakimiyyəti aparatının məsul əməkdaşları, idarə, müəssisə və təşkilat rəhbərləri və şəhər sakinləri iştirak etmişlər.
Qəbul zamanı sakinlərin müxtəlif məzmunlu müraciətləri dinlənilmiş, qaldırılan məsələlərin həlli istiqamətində aidiyyəti üzrə müvafiq tapşırıqlar verilmişdir. Rayon İcra Hakimiyyətinin səlahiyyətlərinə aid olmayan müraciətlərin isə müvafiq qurumlara göndərilməsi nəzərdə tutulmuşdur.
