Küveytin keçmiş baş naziri Şeyx Cabir əl-Mübarək əs-Sabahın 82 yaşında dünyasını dəyişib.
Demokrat.az xəbər verir ki, bu barədə Küveytin rəsmi KUNA agentliyi məlumat yayıb.
Xəbərdə Sabahın 1942-ci ildə anadan olduğu və 1968-ci ildən müxtəlif vəzifələrdə çalışdığı bildirilib.
Keçmiş baş nazir Sabah Havalli və Əl-Əhmedi qubernatorluğu, eləcə də sosial məsələlər, əmək, media, daxili işlər, müdafiə və baş nazirin müavini kimi bir çox vəzifələrdə çalışıb.
Sabah sonuncu dəfə 2011-ci ilin noyabrında baş nazir təyin edilib və 2019-cu ilə qədər bu vəzifəni davam etdirib.
Mehriban Mirzəzadə Demokrat.az
