Somalidə "Əş-Şəbab" terror təşkilatı üzvlərinin otelə hücumu nəticəsində 3 əsgər ölüb, 27 nəfər yaralanıb.
Demokrat.az xəbər verir ki, bu barədə yerli mətbuat məlumat yayıb.
Bildirilib ki, “Əş-Şəbab” hücumunda 3 əsgər həyatını itirib, 3-ü millət vəkili və 9-u əsgər olmaqla 27 nəfər yaralanıb.
Hücumdan sonra başlayan qarşıdurmada 5 terrorçu zərərsizləşdirilib.
Sözügedən oteldə hökumət rəsmiləri tez-tez görüşlər keçirirdilər.
Hadisə ilə bağlı istintaq başladılıb, araşdırmalar davam etdirilir.
Aysu Demokrat.az
