Yaponiyanın Aiçi prefekturasında yerləşən Toyota R&D şirkətinin mərkəzi ofisində yanğın olub.
APA-nın “NHK” telekanalına istinadən verdiyi xəbərə görə, binadakı işçilər təxliyyə olunub. Yanğın nəticəsində xəsarət alan olmayıb.
Telekanalın məlumatına görə, yerli vaxtla saat 16.50-də şəhər yanğınsöndürmə xidmətinə binanın səkkizinci mərtəbəsində tüstülənmə olması barədə xəbər gəlib.
Hazırda hadisə yerində 12 yanğınsöndürmə briqadası var.
Yanğının səbəbləri hələlik məlum deyil.
