Türkiyədən mənzil alan azərbaycanlıların sayı azalıb, ruslar kəskin artıb — SİYAHI

Bu ilin ilk 2 ayı ərzində Azərbaycan vətəndaşları Türkiyədən 138 mənzil satın alıblar.

Yeniavaz.com Türkiyə Statistika Xidmətindən açıqlanan məlumatlara istinadən bildirir ki, azərbaycanlılar yanvar ayında Türkiyədən 65, fevral ayında isə 73 mənzil alıblar.

Ötən ilin eyni dövrü ilə müqayisədə bu ilin yanvar-fevral aylarında Türkiyədən mənzil alan azərbaycanlıların sayı azalıb. Belə ki, 2022-ci ilin yanvar-fevral aylarında azərbaycanlılar Türkiyədən 182 mənzil alıblar.

Onu da bildirək ki, son 9 ildə Azərbaycan vətəndaşları Türkiyədn 9 min 72 mənzil alıblar:

İllər	Mənzillərin sayı
2015	815
2016	610
2017	942
2018	1 250
2019	1 191
2020	1 279
2021	1 517
2022	1 330
2023 Yanvar-Fevral	138
Cəmi	9 072

Qeyd edək ki, bu ilin ilk 2 ayı ərzində Türkiyədən ən çox Rusiya (2 min 740 mənzil), İran (972 mənzil), İraq (402 mənzil), Ukrayna (299 mənzil), Qazaxıstan (288 mənzil) Almaniya (250 mənzil) və Çin (193 mənzil) vətəndaşları mənzil alıblar.

Əvvəlki illərlə müqayisədə Türkiyədən mənzil alan Rusiya vətəndaşlarının sayı kəskin artıb. Son 5 ilin yanvar-fevral aylarında Rusiya vətəndaşlarının Türkiyədən aldıqları mənzillərin sayı aşağıdakı kimi olub:

2019 Yanvar-Fevral – 431 2020 Yanvar-Fevral – 536 2021 Yanvar-Fevral – 519 2022 Yanvar-Fevral – 988 2023 Yanvar-Fevral – 2 740