Azərbaycan Türkiyədən ən çox silah alan ikinci ölkədir — Xərclənilən məbləğ açıqlandı

HƏRBİ 04 dek 2021, 09:35
Türkiyənin müdafiə və aerokosmik sənayesi cari ilin 11 ayında 2 milyard 793 milyon 974 min ABŞ dolları məbləğində gəlirlə yeni ixrac rekorduna imza atıb.

Demokrat.az
xəbər verir ki, bu barədə Türkiyə İxracat Məclisi (TİM) məlumat yayıb.

Ölkənin müdafiə sənayesi sektorunun milli məhsulların satışından əldə etdiyi gəlir 2018-ci ildə 2 milyard 35 milyon 956 min, 2019-cu ildə isə 34,6 faiz artımla 2 milyard 740 milyon 988 min dollar təşkil edib. Bu rəqəm o dövrdə ölkənin müdafiə və aerokosmik sənayenin ixrac rekordu kimi qeydə alınıb.

TİM-in məlumatında bu ilin yanvar-noyabr ayları ərzində Türkiyənin milli hərbi texnikasının ixrac edildiyi ilk 20 ölkənin adı sadalanır. Siyahıda sıralamaya görə ABŞ, Azərbaycan, Qətər, Birləşmiş Ərəb Əmirlikləri, Almaniya, Ukrayna, Efiopiya, Mərakeş, Fransa, Tunis, Banqladeş, Birləşmiş Krallıq, Hindistan, Türkmənistan, Çin, Özbəkistan, Ruanda, Hollandiya, İordaniya və Kanada yer alır.

Qeyd edilən dövr ərzində əvvəlki illərdə olduğu kimi, 1 milyard 32 milyon 615 min dolarla ABŞ ilk sıradadır. İkinci sırada isə Azərbaycan yer alır. Məlumata əsasən, bu ilin 11 ayı ərzində Türkiyədən Azərbaycana 192 milyon 126 min dollarlıq ixracat həyata keçirilib. Üçüncü sırada isə 180 milyon 544 min dollar məbləğində ixracatla Qətər yer alır.

Demokrat.az

DİGƏR XƏBƏRLƏR

XƏBƏR LENTİ
Top