Annanın bu paylaşımı Paşinyanı rüsvay etdi — FOTO


REGİON 05 sen 2021, 23:39
Erməni millət vəkili Hayk Sarkisyanın “Baş nazirin oğlu Aşot Paşinyan 44 günlük müharibədə ən şiddətli döyüşlərdə iştirak etdi” ifadəsi ifşa edilsə də, Nikol Paşinyanın arvadının paylaşımı erməni müxalifətini ayağa qaldırıb və sərt şəkildə tənqid edilib.

Demokrat.az xəbər verir ki, müxalifətin Paşinyanı hədəf almasına səbəb Anna Akopyanın sosial şəbəkədə hər şeyi ortaya qoyan paylaşımı olub.

Rusiyanın “lenta.ru” saytı Nikol Paşinyanın oğlunun oktyabrın 1-də Qarabağa döyüşə getdiyi barədə məlumat yayıb.

Paşinyanın arvadı Anna da “Sputnik Ermənistan”a verdiyi açıqlamada “Oğluma dedim ki, formanı geyin və get. Mən səni çox sevirəm, amma vətən üçün ölməkdən daha şərəfli bir şey yoxdur” – deyib və beləliklə Paşinyan ailəsi Ermənistan ictimaiyyətinin “rəğbətini” qazanıb.

Ancaq bu açıqlamadan 6 gün sonra Anna Akopyan Feysbuk səhifəsində bir ailə fotosu paylaşıb və fotonun 5 oktyabrda çəkildiyini bildirib. Həmin tarixdə müharibədə olduğu iddia edilən Aşot Paşinyanın anası ilə birgə selfi çəkdiyi ortaya çıxıb. Bu, Paşinyan ailəsinin müharibə zamanı qazandıqları “rəğbətə” zidd olaraq böyük bir əks-reaksiya ilə üzləşməsinə səbəb olub. / Publika.az


DİGƏR XƏBƏRLƏR

XƏBƏR LENTİ
Top