DÇ-2022-nin seçmə mərhələsi çərçivəsində milli komandamız İrlandiya ilə qarşılaşıb.
Demokrat.az xəbər verir ki, matç 1:1 hesablı bərabərliklə başa çatıb.
İlk hissəyə əlavə edilmiş birinci dəqiqədə Emin Mahmudov hesabı açsa da, İrlandiya 87-ci dəqiqədə bərabərlik qolunu vurub.
Oyunda başqa qol olmayıb və millimiz bu tsikldə ilk xalını qazanıb.
20:58
İrlandiya və Azərbaycan milli komandaları arasında dünya çempionatının seçmə mərhələ oyununda hesab açılıb.
Demokrat.az xəbər verir ki, Dublindəki "Aviva" stadionunda keçirilən qarşılaşmada Azərbaycan millisi önə keçib - 1:0.
45+1-ci dəqiqədə Emin Mahmudov baxımlı qola imza atıb. Komandalar fasiləyə bu hesabla yollanıb.
xxx
20:00
İrlandiya və Azərbaycan milli komandaları arasında dünya çempionatının seçmə mərhələ oyunu start götürüb.
Demokrat.az xəbər verir ki, Dublindəki "Aviva" stadionunda keçirilən qarşılaşma Bakı vaxtı ilə saat 20:00-da başlayıb.
Matçı Fransadan olan FIFA referisi Jerom Brisar idarə edir.
