“Rəqəmsal Jurnalistikaya doğru” proqramına start verildi — FOTOLAR

MEDİA 13 iyl 2021, 16:25
Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin Elektron Hökumətin İnkişafı Mərkəzinin təşkilatçılığı və “PAŞA Holdinq”in sponsorluğu ilə 3-cü “Rəqəmsal Jurnalistikaya doğru” proqramına start verilib. Proqrama informasiya agentlikləri, qəzetlər və informasiya portallarında çalışan 22 iştirakçı qatılıb.

22 iyul - Milli Mətbuat Gününə həsr olunan proqramın ilk günündə iştirakçılar üçün “Ənənəvi Mediadan Rəqəmsal Mediaya” və “Medianın Əsasları” mövzularında vörkşoplar təşkil olunub. İnteraktiv formatda davam edən proqram çərçivəsində jurnalistləri maraqlandıran suallar cavablandırılıb, mövzular ətrafında geniş müzakirələr aparılıb.

Vörkşoplar 16 iyul tarixinədək davam edəcək. Növbəti mərhələdə proqram iştirakçıları mükafat fondu 2200 AZN təşkil edən müsabiqədə iştirak edəcəklər. Həmçinin proqramı uğurla başa vuran bütün iştirakçılar xüsusi sertifikatla təltif olunacaqlar.   

 Proqramda, həmçinin sosial medianın jurnalistikada istifadəsi, blogerliyin əsasları, qlobal rəqəmsallaşmada Azərbaycan, elektron hökumət layihələri, startap fəaliyyəti, süni intellekt və s. kimi maraqlı mövzular yer alacaq.

Proqramın ilk iki dalğası 2020-ci ildə reallaşdırılıb və böyük marağa səbəb olub. “Rəqəmsal Jurnalistikaya doğru” proqramlarının  əsas məqsədi kütləvi informasiya vasitələri nümayəndələri və blogerlərin İKT, elektron dövlət xidmətləri, rəqəmsal həllər haqqında məlumatlılığını daha da artırmaq, eləcə də elektron xidmətlər sahəsində əhalinin bilgilərini daha da genişləndirməkdir.

No description available.No description available.

Demokrat.az

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top