COVID-19 pasportu olmayanlar barədə qərar veriləcək


SOSİAL 27 may 2021, 14:44
““COVID-19”a qarşı peyvəndin əks göstəriş olduğu (allergiya, qıcolma), yoluxub sağalmış, amma koronavirus testindən keçməyən, “COVID-19” pasportu və ya “COVID-19”a qarşı immunitet sertifikatı olmayan şəxslərlə bağlı növbəti mərhələlərdə qərar veriləcək”.

Demokrat.az xəbər verir ki, bu barədə hökumətdəki mənbədən məlumat verilib. Bildirilib ki, “COVID-19” pasportuna sahib şəxslər pasportu olmayanlarla müqayisədə üstünlüyə malik olacaq və bir çox imtiyazlardan istifadə edəcəklər:

“Peyvəndin əks göstəriş olduğu şəxslərin yoluxub sağalmış, vaksinasiyadan keçmiş şəxslərə nisbətdə yoluxma riski daha çox baş verdiyindən onlar özlərini daha çox qorumalı və maskadan mütləq şəkildə istifadə etməlidirlər. Amma hazırda bununla bağlı konkret qərar və qaydalar müəyyənləşməyib”.

Qeyd edək ki, Nazirlər Kabineti yanında Operativ Qərargahın yaydığı məlumata görə, 2021-ci il iyulun 1-dən etibarən “COVID-19” pasportu və ya “COVID-19”a qarşı immunitet sertifikatı tələbi müəyyən edilən iş və xidmət sahələrinin işçilərinin ən azı 80 faizinin belə pasporta və ya sertifikata malik olması tələb olunacaq.(modern.az)


DİGƏR XƏBƏRLƏR

XƏBƏR LENTİ
Top