ABŞ Konqresinin üzvü Respublika Günü ilə bağlı bəyanatla çıxış etdi


XARİCİ SİYASƏT 27 may 2021, 00:45
25 may tarixində ABŞ Konqresinin üzvü Pol Qosar bəyanatla çıxış edərək, Azərbaycan Respublikasının 103 illiyi və Sovet İttifaqından müstəqilliyinin 30 illiyi ilə bağlı öz təbriklərini çatdırıb.

Bu barədə  Azərbaycan Respublikasının ABŞ-dakı Səfirliyindən məlumat verilib.

Bəyanatda, Azərbaycanın bölgədə vacib tərəfdaş kimi demokratiya və müstəqilliyin parlaq nümunəsi olmaqda davam etdiyi xüsusi vurğulanır.

Əsrlər boyu Rusiya imperiyası və Sovet İttifaqının qəddar idarəçiliyi altında olan Azərbaycanın müstəqilliyə nail olduğu, ABŞ-ın dost Azərbaycanla birgə Respublikanın 103 illiyini qeyd etdiyi diqqətə çatdırılır.

ABŞ və Azərbaycanın azadlıq, demokratiya və müstəqillik kimi birgə amalları bölüşdüyü Konqres üzvü tərəfindən qeyd olunur və digər Konqres üzvləri təbriklərə qoşulmağa dəvət edilir.

Bəyanatın Konqresdə qeydiyyata alınmış ingilis dili mətni ilə https://www.congress.gov/117/crec/2021/05/25/167/91/modified/CREC-2021-05-25-pt1-PgE578-4.htm səhifəsində tanış olmaq mümkündür.
 


DİGƏR XƏBƏRLƏR

XƏBƏR LENTİ
19 sen 2021, 12:08
19 sen 2021, 08:30
Top