Qubad İbadoğlu İlqar Məmmədova: “Yaramaz ifadələrə görə üzr istəyin!“


SİYASƏT 02 apr 2021, 19:45
“Siz, İlqar Məmmədov, Liberal, Mühafizəkar, Sosial demokrat, Utilitarianist, Libertarianist, sağçı, solçu, sosialist, faşist, bolşevik, eləcə də korporotiv, bazar, ailə, dövlət təmayüllü müxtəlif rifahçı modellərin tərəfdarı ola, müxalifət, hökümətyönlü mövqedə dayana bilərsiniz, amma sizin ixtiyarınız yoxdur ki, sizdən fərqli düşünənləri, uşaq pulu verilməsinin tərəfdarı olanları yaramaz, debil adlandırasınız”.

Demokrat.az xəbər verir ki, bu sözləri ictimai-siyasi xadim Qubad İbadoğlu deyib. O, İlqar Məmmədovun sadə riyazi hesablamanı düzgün apara bilmədiyini vurğulayıb:

“İl 10 aydan deyil, 12 aydan ibarətdir, ildə 1 milyon uşağa 100 manat ödəniləndə 1 milyard deyil, 1,2 milyard manat edir. Belə olan halda uşaq pulu ilə bağlı indiyə qədər əsaslandırılan mövqeləri, aparılan hesablamaları, uşaq pulunun ödənilməsi üçün göstərilən maliyyə mənbələrini necə başa düşəcəksiniz?!

Siz, İlqar Məmmədov siyasətlə məşğul olmaq istəyirsinizsə, ifadələrinizə fikir verin, leksionunuzu təmizləyin, başqalarını aşağılamayın, alternativ fikirə, müstəqil, müxalif mövqeyə hörmət edin, onsuz da çirkli olan mühiti daha da korlamayın, çalışın düzəldin.

Siz, İlqar Məmmədov yaxşı olar ki, başqalarının ünvanına işlətdiyiniz yaramaz və debil ifadələrinə görə üzr istəyin, ondan sonra sizinlə uşaq pulu mövzusunda harda istərsinizsə, debat aparmağa hazıram. Amma öncə bu mövzuda mövqe qoyanların hamısından üzr istəyin!”.
 


DİGƏR XƏBƏRLƏR

XƏBƏR LENTİ
Top