Türkiyə - Latviya oyunu azarkeşlərlə keçiriləcək

İDMAN 28 mar 2021, 19:20
Türkiyə Futbol Federasiyası ölkənin milli futbol komandasının növbəti oyunu zamanı stadiona tamaşaçıların buraxılacağını bildirib.

Bu barədə qurumun rəsmi saytı məlumat yayıb.

Bildirilib ki, qərara əsasən, matçın izlənilməsi üçün stadiona onun ümumi tutumunun 15%-i qədər azarkeş buraxılacaq.

Qarşılaşmanın keçiriləcəyi Atatürk Olimpiya Stadionunun 76 min azarkeş tutumu olduğunu nəzərə alsaq, matçda təxminən 11 min izləyicinin iştirakı gözlənilir.

Xatırladaq ki, 2022-ci il Dünya çempionatının seçmə mərhələsinin “G” qrupu çərçivəsində baş tutacaq Türkiyə - Latviya oyunu martın 30-da keçiriləcək.  
 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top