Tərtər rayonunda 2007-ci il təvəllüdlü Məhərrəm həmkəndlisi Vüqara (adlar şərtidir – red.) xəsarət yetirib.
Demokrat.az-ın əldə etdiyi xəbərə görə, hadisə ötən ilin avqustun 13-də rayonun kəndlərindən birində baş verib. Məhərrəm həmin gün saat 23 radələrində kənd ərazisində həmkəndlisi Vüqarın onun bibisi qızına mobil telefon vasitəsi ilə sevgi mesajı yazması səbəbindən onunla aralarında mübahisə yaranıb.
Yaranmış mübahisə zamanı o, əlində olan ağacla zərərçəkmiş şəxsin sağ ayaq nahiyəsinə qəsdən bir dəfə vurub. Ona müxtəlif dərəcəli bədən xəsarətləri yetirib.
Hadisəni törədən Məhərrəmin barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edilib.
İş üzrə təqsirləndirilən şəxs qismində ifadə verən Məhərrəm özünü təqsirli bilib. O, ifadəsində göstərib ki, Tərtər rayonun kəndində nənəsi ilə birlikdə yaşayır: “Vüqar ilə həmkəndliyəm. Onunla heç bir ədavətim olmayıb. O, Bakı şəhərində yaşayan bibim qızı Xalidəyə mesaj yazaraq onu narahat edib. Bununla bağlı Xalidə mənə mesaj yazaraq Vüqarın ona mesaj yazdığını, onu narahat etdiyini, həmin şəxsin mobil nömrəsini bloka atsa da, o, başqa nömrələrlə yenə zəng edib, mesaj yazdığını bildirdi. Buna görə də təqribən 2024-cü ilin may ayında Vüqara zəng etdim, onu görüşə çağırdım. Bununla bağlı iradımı bildirdim və bir daha bibim qızına mesaj yazmamasını istədim. Söhbət zamanı Vüqar bir daha bibim qızına mesajyazmayacağına dair söz verdi. Ona inandım, həmin vaxtı yanından uzaqlaşaraq getdim. Həmin vaxt aramızda heç bir mübahisə olmadı”.
Təqsirləndirilən şəxs bildirib ki, avqustun 13-də bibisi qızı Xalidə ona zəng edib və Vüqarın ayrı-ayrı nömrələrdən zəng edərək onu narahat etməsi barədə məlumat verib: “Bu səbəbdən həmin gün saat 17 radələrində Vüqara zəng etdim. Lakin o zəngə cavab vermədi. Həmin gün axşam saat 21 radələrində Vüqar özü mənə zəng etdi. Onunla telefon danışığım zamanı görüşmək istədiyimi bildirdim. Qonşum və həmkəndlim Yavərlə birlikdə Vüqarla görüşməyə getdim. Qonşumu həmin yerə aparmaq məqsədim hər hansı bir xoşa gəlməz hadisə baş verməsinin qarşısını almaq olub. Yaşadığım kəndin ərazisində həmin günü, qaranlıq vaxtı, yəni saat 23 radələrində Vüqarla görüşdüm. Yenə ona iradımı bildirdim, nə üçün yenidən bibim qızına zəng edərək onu narahat etdiyini soruşdum. Vüqar əvvəlcə etiraf etməsə də, sonradan bibim qızına zəng etdiyini etiraf etdi. Buna görə də ona “bir daha bibim qızını narahat etmə, lazım olsa məndə sənin bibin qızının nömrəsini alaram” deyə söz dedim. Bunu deyərkən biri-birimizin yaxasından tutduq. Aramızda mübahisə baş verdi. Mübahisə zamanı Vüqarı biraz qabağa itələdim. Əlimdə olan ağacla onun sağ ayağına vurdum. Vüqar aldığı zərbədən yerə yıxıldı. O, yerə yıxıldıqdan sonra Yavər bizi sakitləşdirdi. Oradan yaşadığım evə getdim. Ağacı isə xatırlamadığım yerə atdım”.
Təqsirləndirilən şəxs bildirib ki, hadisə gününün səhəri zərərçəkmiş şəxsin sağ ayağından sınıq xəsarəti alması və onun barəsində şikayət etməsi barədə məlumat alıb: “Mübahisəmiz təqribən 5-6 dəqiqə davam etdi. Ancaq ətrafa zərər dəyməyib. Hadisə zamanı orada Yavərdən başqa heç kim olmayıb. Hadisə yerinə heç kim toplaşmayıb. Hazırda əməlimdən səmimi peşman olmuşam. Baş vermiş hadisədə aldığı xəsarətə görə müalicə olunması üçün zərərçəkən şəxsə 5500 manat maddi köməklik etmişəm”.
İş üzrə zərərçəkmiş qismində ifadə verən Vüqarın sözlərinə görə, təqsirləndirilən şəxslə heç bir ədavəti olmayıb: “Məlum hadisə günü gecə saat 23 radələrində Məhərrəm mənə zəng etdi və küçədə görüşmək istədiyini bildirdi. Onunla görüşmək üçün həmin yerə getdim. Deyilən yerə çatdıqda Məhərrəmin yanında Yavər adında şəxsin olduğunu gördüm. Söhbət zamanı Məhərrəm mənə nə üçün bibisi qızını istədiyimi və bibisi qızına mesaj yazdığımı bildirdi. Ona bibisi qızını istədiyimi etiraf etdim. Həmçinin bibisi qızının da məni istədiyini dedim. Məhərrəm isə yalan danışdığımı, mənim bibisi qızını ciddi istəmədiyimi dedi. Bu vaxt onunla aramızda sözlü mübahisə daha da yüksəldi. Məhərrəmin üzərimə gələn zaman Yavər dava etməməyimiz üçün məni kənara çəkdi. Bu zaman təqsirləndirilən şəxs əlində olan ağacla sağ ayağımdan bir dəfə vuraraq mənə xəsarət yetirdi. Zərbənin təsirindən yerə yıxıldım. Sonra Məhərrəm oradan getdi. Yavər isə mənə yaşadığım evə gələnə kimi köməklik göstərdi. Hadisə zamanı ondan başqa heç kim orada olmayıb. Yavər mənə xəsarət yetirməyib”.
Bu cinayət işinə Tərtər Rayon Məhkəməsində baxılıb. Məhkəmənin hökmü ilə Məhərrəmin barəsində 1 il müddətə azadlığın məhdudlaşdırılması cəzası təyin edilib.
Təqsirləndirilən şəxsin üzərinə Tərtər rayonunun hüdudlarını tərk etməsi qadağan olunub. Ona cəzaçəkmə müddətində Tərtər rayonunda yerləşən yaşayış yerini saat 23:00-dan 07:00-dək tərk etməməsi tapşırılıb.
Bu müddətdə onun üzərinə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, məhkəmənin müvafiq qərarı olmadan yaşayış yerini dəyişməmək, cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulub.
Həmçinin təqsirləndirilən şəxsin kütləvi və digər tədbirlər təşkil etməsi, belə tədbirlərdə iştirak etməsi qadağan olunub.
Fariz Məlikli
Demokrat.az
Demokrat.az-ın əldə etdiyi xəbərə görə, hadisə ötən ilin avqustun 13-də rayonun kəndlərindən birində baş verib. Məhərrəm həmin gün saat 23 radələrində kənd ərazisində həmkəndlisi Vüqarın onun bibisi qızına mobil telefon vasitəsi ilə sevgi mesajı yazması səbəbindən onunla aralarında mübahisə yaranıb.
Yaranmış mübahisə zamanı o, əlində olan ağacla zərərçəkmiş şəxsin sağ ayaq nahiyəsinə qəsdən bir dəfə vurub. Ona müxtəlif dərəcəli bədən xəsarətləri yetirib.
Hadisəni törədən Məhərrəmin barəsində Cinayət Məcəlləsinin 127.1-ci (zərərçəkmiş şəxsin həyatı üçün təhlükəli olmayan və bu məcəllənin 126-cı maddəsində nəzərdə tutulan nəticələrə səbəb olmayan, lakin sağlamlığın uzun müddət pozulmasına səbəb olmuş və ya ümumi əmək qabiliyyətinin üçdə bir hissəsindən az olmaqla əhəmiyyətli dərəcədə itirilməsi ilə nəticələnən qəsdən sağlamlığa az ağır zərər vurma) maddəsi ilə ittiham elan edilib.
İş üzrə təqsirləndirilən şəxs qismində ifadə verən Məhərrəm özünü təqsirli bilib. O, ifadəsində göstərib ki, Tərtər rayonun kəndində nənəsi ilə birlikdə yaşayır: “Vüqar ilə həmkəndliyəm. Onunla heç bir ədavətim olmayıb. O, Bakı şəhərində yaşayan bibim qızı Xalidəyə mesaj yazaraq onu narahat edib. Bununla bağlı Xalidə mənə mesaj yazaraq Vüqarın ona mesaj yazdığını, onu narahat etdiyini, həmin şəxsin mobil nömrəsini bloka atsa da, o, başqa nömrələrlə yenə zəng edib, mesaj yazdığını bildirdi. Buna görə də təqribən 2024-cü ilin may ayında Vüqara zəng etdim, onu görüşə çağırdım. Bununla bağlı iradımı bildirdim və bir daha bibim qızına mesaj yazmamasını istədim. Söhbət zamanı Vüqar bir daha bibim qızına mesajyazmayacağına dair söz verdi. Ona inandım, həmin vaxtı yanından uzaqlaşaraq getdim. Həmin vaxt aramızda heç bir mübahisə olmadı”.
Təqsirləndirilən şəxs bildirib ki, avqustun 13-də bibisi qızı Xalidə ona zəng edib və Vüqarın ayrı-ayrı nömrələrdən zəng edərək onu narahat etməsi barədə məlumat verib: “Bu səbəbdən həmin gün saat 17 radələrində Vüqara zəng etdim. Lakin o zəngə cavab vermədi. Həmin gün axşam saat 21 radələrində Vüqar özü mənə zəng etdi. Onunla telefon danışığım zamanı görüşmək istədiyimi bildirdim. Qonşum və həmkəndlim Yavərlə birlikdə Vüqarla görüşməyə getdim. Qonşumu həmin yerə aparmaq məqsədim hər hansı bir xoşa gəlməz hadisə baş verməsinin qarşısını almaq olub. Yaşadığım kəndin ərazisində həmin günü, qaranlıq vaxtı, yəni saat 23 radələrində Vüqarla görüşdüm. Yenə ona iradımı bildirdim, nə üçün yenidən bibim qızına zəng edərək onu narahat etdiyini soruşdum. Vüqar əvvəlcə etiraf etməsə də, sonradan bibim qızına zəng etdiyini etiraf etdi. Buna görə də ona “bir daha bibim qızını narahat etmə, lazım olsa məndə sənin bibin qızının nömrəsini alaram” deyə söz dedim. Bunu deyərkən biri-birimizin yaxasından tutduq. Aramızda mübahisə baş verdi. Mübahisə zamanı Vüqarı biraz qabağa itələdim. Əlimdə olan ağacla onun sağ ayağına vurdum. Vüqar aldığı zərbədən yerə yıxıldı. O, yerə yıxıldıqdan sonra Yavər bizi sakitləşdirdi. Oradan yaşadığım evə getdim. Ağacı isə xatırlamadığım yerə atdım”.
Təqsirləndirilən şəxs bildirib ki, hadisə gününün səhəri zərərçəkmiş şəxsin sağ ayağından sınıq xəsarəti alması və onun barəsində şikayət etməsi barədə məlumat alıb: “Mübahisəmiz təqribən 5-6 dəqiqə davam etdi. Ancaq ətrafa zərər dəyməyib. Hadisə zamanı orada Yavərdən başqa heç kim olmayıb. Hadisə yerinə heç kim toplaşmayıb. Hazırda əməlimdən səmimi peşman olmuşam. Baş vermiş hadisədə aldığı xəsarətə görə müalicə olunması üçün zərərçəkən şəxsə 5500 manat maddi köməklik etmişəm”.
İş üzrə zərərçəkmiş qismində ifadə verən Vüqarın sözlərinə görə, təqsirləndirilən şəxslə heç bir ədavəti olmayıb: “Məlum hadisə günü gecə saat 23 radələrində Məhərrəm mənə zəng etdi və küçədə görüşmək istədiyini bildirdi. Onunla görüşmək üçün həmin yerə getdim. Deyilən yerə çatdıqda Məhərrəmin yanında Yavər adında şəxsin olduğunu gördüm. Söhbət zamanı Məhərrəm mənə nə üçün bibisi qızını istədiyimi və bibisi qızına mesaj yazdığımı bildirdi. Ona bibisi qızını istədiyimi etiraf etdim. Həmçinin bibisi qızının da məni istədiyini dedim. Məhərrəm isə yalan danışdığımı, mənim bibisi qızını ciddi istəmədiyimi dedi. Bu vaxt onunla aramızda sözlü mübahisə daha da yüksəldi. Məhərrəmin üzərimə gələn zaman Yavər dava etməməyimiz üçün məni kənara çəkdi. Bu zaman təqsirləndirilən şəxs əlində olan ağacla sağ ayağımdan bir dəfə vuraraq mənə xəsarət yetirdi. Zərbənin təsirindən yerə yıxıldım. Sonra Məhərrəm oradan getdi. Yavər isə mənə yaşadığım evə gələnə kimi köməklik göstərdi. Hadisə zamanı ondan başqa heç kim orada olmayıb. Yavər mənə xəsarət yetirməyib”.
Bu cinayət işinə Tərtər Rayon Məhkəməsində baxılıb. Məhkəmənin hökmü ilə Məhərrəmin barəsində 1 il müddətə azadlığın məhdudlaşdırılması cəzası təyin edilib.
Təqsirləndirilən şəxsin üzərinə Tərtər rayonunun hüdudlarını tərk etməsi qadağan olunub. Ona cəzaçəkmə müddətində Tərtər rayonunda yerləşən yaşayış yerini saat 23:00-dan 07:00-dək tərk etməməsi tapşırılıb.
Bu müddətdə onun üzərinə elektron nəzarət vasitəsini gəzdirmək və həmin vasitənin işlək vəziyyətdə saxlanılması üçün ona xidmət etmək, məhkəmənin müvafiq qərarı olmadan yaşayış yerini dəyişməmək, cəzanın icrasına nəzarət edən orqanı iş və ya təhsil yerinin dəyişdirilməsi barədə əvvəlcədən məlumatlandırmaq vəzifələri qoyulub.
Həmçinin təqsirləndirilən şəxsin kütləvi və digər tədbirlər təşkil etməsi, belə tədbirlərdə iştirak etməsi qadağan olunub.
Fariz Məlikli
Demokrat.az
