Türkiyənin aypara formasında coğrafiyası ilə seçilən Qara dəniz bölgəsi, təbii gözəlliklər axtaran səyahətçilər üçün dünyanın aparıcı istiqamətlərindən biri kimi tanınır. Gur meşələri, çağlayan şəlalələri, təravətli havası və yaşıl yaylaları ilə bu bölgə açıq hava fəaliyyətləri üçün ideal şərait yaradır. Son zamanlar, Qara dəniz bölgəsi nüfuzlu KAÇKAR BY UTMB dağ ultramarafonuna ev sahibliyi edərək turizm və macəra idmanları sahəsindəki potensialını bir daha nümayiş etdirdi.
Beş qitədə 50-dən çox ölkədə keçirilən UTMB Dünya Seriyası, Türkiyəyə ilk dəfə 26–28 sentyabr tarixlərində Rize vilayətinin Çamlıhemşin rayonunda yerləşən gözəl Kaçkar dağlarında baş tutan KAÇKAR BY UTMB yarışı ilə gəldi. Yarış 1800-dən çox idmançını dünyanın müxtəlif ölkələrindən bir araya gətirərək bölgəni dözümlülük, macəra və beynəlxalq idman mükəmməlliyinin səhnəsinə çevirdi.
“Vəhşi təbiət izdir” şüarı altında təşkil olunan KAÇKAR BY UTMB yarışı, Türkiyə Gənclər və İdman Nazirliyinin himayəsi altında, Rize Valiliyinin koordinasiyası və Türkiyə Mədəniyyət və Turizm Nazirliyi, Türkiyə Turizm Tanıtım və İnkişaf Agentliyi (TGA), Şərqi Qara Dəniz İnkişaf Agentliyi (DOKA) və çoxsaylı yerli tərəfdaşların dəstəyi ilə həyata keçirildi. Bu yarış yalnız bir idman tədbiri olmaqla kifayətlənməyib, Qara dəniz bölgəsinin təbii, mədəni və iqtisadi zənginliklərini qlobal miqyasda nümayiş etdirdi və Türkiyənin idman turizmi sahəsində yüksələn mərkəz kimi mövqeyini daha da gücləndirdi.
Dünyanın dörd bir yanından – Böyük Britaniyadan Cənubi Afrikaya, İspaniyadan Çinə qədər – yüzlərlə idmançı KAÇKAR BY UTMB yarışında bir araya gəlib. Onlar dünyanın ən çətin dağ ultra marafon marşrutlarından biri hesab edilən Kaçkar dağlarında qüvvələrini sınayıblar. Bu ilki yarışda beynəlxalq səviyyədə tanınan idmançılar – Philipp Ausserhofer, Cole Campbell, Daniel Osanz, Sven Koch, Oğuzhan Emre Singer, Greta García Morán və Dioni Gorla kimi adlar da iştirak edib. Yarış çətin relyef və idmançıların nümayiş etdirdiyi yüksək dözümlülük sayəsində unudulmaz anlarla yadda qalıb.
Marşrut Rize vilayətinin ən məşhur yaylası olan Ayder yaylasından başlayıb. İdmançılar yarış boyunca Kaçkarların dumanlı zirvələrindən, dərin dərələrdən və tarixi yaylalardan keçərək fiziki və mənəvi güclərini sınayıblar. Yarışın start nöqtəsində Ayder sakinləri idmançıları ənənəvi geyimlərdə qarşılayıb. Onlara bölgənin mədəni simvollarından biri olan və UNESCO-nun Qeyri-Maddi Mədəni İrs Siyahısına daxil edilmiş tulum musiqi alətinin sədaları müşayiət edib.
Güclü qar yağıntısı və təhlükəsizlik riski səbəbilə KAÇKAR BY UTMB yarışlarının 100 kilometr məsafəli mərhələsi ləğv olunub. Buna baxmayaraq, 50K və 20K yarışlarında iştirak edən idmançılar əzmkarlıq və dözümlülük nümayiş etdirərək marşrutlarını uğurla başa vurublar.
50 kilometr məsafəli yarışda qadınlar arasında Jasmin Nunige 05:21:52 nəticə ilə birinci olub. Kişilər arasında isə Cole Campbell 04:29:19 göstərici ilə qələbə qazanıb. 20 kilometr məsafədə qadınlar kateqoriyasında Beyza Güzel (02:28:25), kişilər arasında isə Mestan Turgan (01:59:20) birinciliyə yüksəlib. Üç gün davam edən gərgin mübarizənin ardından 28 sentyabr tarixində keçirilən təltifetmə mərasimində qaliblər mükafatlarını alıblar.
Qara dəniz bölgəsində idman turizmini təşviq etmək və Türkiyənin beynəlxalq ultra-trail arenasında mövqeyini gücləndirmək məqsədilə təşkil olunan KAÇKAR BY UTMB, yalnız bir idman yarışı olmaqdan çıxaraq çoxşaxəli bir tədbirə çevrildi. Yarış zamanı idmançılar tarixi karvan yolları və çoban cığırları ilə irəliləyərək, zəngin ənənələr və əfsanələrlə dolu qədim kəndlərdən, həyat dolu yerli icmalardan keçdilər. Mədəniyyət və təbiətin qovuşduğu bu unikal ultra marafon, iştirakçılara unudulmaz bir alp macərası yaşatdı.
Beş qitədə 50-dən çox ölkədə keçirilən UTMB Dünya Seriyası, Türkiyəyə ilk dəfə 26–28 sentyabr tarixlərində Rize vilayətinin Çamlıhemşin rayonunda yerləşən gözəl Kaçkar dağlarında baş tutan KAÇKAR BY UTMB yarışı ilə gəldi. Yarış 1800-dən çox idmançını dünyanın müxtəlif ölkələrindən bir araya gətirərək bölgəni dözümlülük, macəra və beynəlxalq idman mükəmməlliyinin səhnəsinə çevirdi.
“Vəhşi təbiət izdir” şüarı altında təşkil olunan KAÇKAR BY UTMB yarışı, Türkiyə Gənclər və İdman Nazirliyinin himayəsi altında, Rize Valiliyinin koordinasiyası və Türkiyə Mədəniyyət və Turizm Nazirliyi, Türkiyə Turizm Tanıtım və İnkişaf Agentliyi (TGA), Şərqi Qara Dəniz İnkişaf Agentliyi (DOKA) və çoxsaylı yerli tərəfdaşların dəstəyi ilə həyata keçirildi. Bu yarış yalnız bir idman tədbiri olmaqla kifayətlənməyib, Qara dəniz bölgəsinin təbii, mədəni və iqtisadi zənginliklərini qlobal miqyasda nümayiş etdirdi və Türkiyənin idman turizmi sahəsində yüksələn mərkəz kimi mövqeyini daha da gücləndirdi.
Dünyanın dörd bir yanından – Böyük Britaniyadan Cənubi Afrikaya, İspaniyadan Çinə qədər – yüzlərlə idmançı KAÇKAR BY UTMB yarışında bir araya gəlib. Onlar dünyanın ən çətin dağ ultra marafon marşrutlarından biri hesab edilən Kaçkar dağlarında qüvvələrini sınayıblar. Bu ilki yarışda beynəlxalq səviyyədə tanınan idmançılar – Philipp Ausserhofer, Cole Campbell, Daniel Osanz, Sven Koch, Oğuzhan Emre Singer, Greta García Morán və Dioni Gorla kimi adlar da iştirak edib. Yarış çətin relyef və idmançıların nümayiş etdirdiyi yüksək dözümlülük sayəsində unudulmaz anlarla yadda qalıb.
Marşrut Rize vilayətinin ən məşhur yaylası olan Ayder yaylasından başlayıb. İdmançılar yarış boyunca Kaçkarların dumanlı zirvələrindən, dərin dərələrdən və tarixi yaylalardan keçərək fiziki və mənəvi güclərini sınayıblar. Yarışın start nöqtəsində Ayder sakinləri idmançıları ənənəvi geyimlərdə qarşılayıb. Onlara bölgənin mədəni simvollarından biri olan və UNESCO-nun Qeyri-Maddi Mədəni İrs Siyahısına daxil edilmiş tulum musiqi alətinin sədaları müşayiət edib.
Güclü qar yağıntısı və təhlükəsizlik riski səbəbilə KAÇKAR BY UTMB yarışlarının 100 kilometr məsafəli mərhələsi ləğv olunub. Buna baxmayaraq, 50K və 20K yarışlarında iştirak edən idmançılar əzmkarlıq və dözümlülük nümayiş etdirərək marşrutlarını uğurla başa vurublar.
50 kilometr məsafəli yarışda qadınlar arasında Jasmin Nunige 05:21:52 nəticə ilə birinci olub. Kişilər arasında isə Cole Campbell 04:29:19 göstərici ilə qələbə qazanıb. 20 kilometr məsafədə qadınlar kateqoriyasında Beyza Güzel (02:28:25), kişilər arasında isə Mestan Turgan (01:59:20) birinciliyə yüksəlib. Üç gün davam edən gərgin mübarizənin ardından 28 sentyabr tarixində keçirilən təltifetmə mərasimində qaliblər mükafatlarını alıblar.
Qara dəniz bölgəsində idman turizmini təşviq etmək və Türkiyənin beynəlxalq ultra-trail arenasında mövqeyini gücləndirmək məqsədilə təşkil olunan KAÇKAR BY UTMB, yalnız bir idman yarışı olmaqdan çıxaraq çoxşaxəli bir tədbirə çevrildi. Yarış zamanı idmançılar tarixi karvan yolları və çoban cığırları ilə irəliləyərək, zəngin ənənələr və əfsanələrlə dolu qədim kəndlərdən, həyat dolu yerli icmalardan keçdilər. Mədəniyyət və təbiətin qovuşduğu bu unikal ultra marafon, iştirakçılara unudulmaz bir alp macərası yaşatdı.
