"2026-cı ilin dövlət büdcəsində minimum əmək haqqının artırılması əsasən inflyasiya proqnozlarına bağlıdır. Maliyyə Nazirliyi 2026-cı ildə inflyasiyanın birrəqəmli olacağını proqnozlaşdırır və büdcə müzakirələrində bu məqam nəzərə alınır".
Bunu Demokrat.az-a açıqlamasında iqtisadçı ekspert Razi Abasbəyli deyib.
Ekspert bildirib ki, bu, minimum əmək haqqının növbəti ildə təxminən 5–8% artırılacağı anlamına gəlir:
"Əvvəlki illərin təcrübəsinə görə hökumət inflyasiyanın və əhalinin həyat səviyyəsinə mənfi təsirlərini yumşaltmaq üçün minimum əmək haqqlarını inflyasiyaya uyğun artırır. Bu mühafizəkar yanaşma 10–20% artımı nəzərdə tutur. Beləliklə, minimum əmək haqqı 400 manatdan 440–480 manata qədər arta bilər".
Onun sözlərinə görə, minimum əmək haqqının artımı orta əmək haqqına böyük təsir etmir:
"2026-cı ildə orta əmək haqqının 1156 manat olması proqnozlaşdırılır. Yaşayış minimumu da 2026-cı ildə 300 manat səviyyəsində müəyyən ediləcək. Müəllimlərin maaşı isə 1000 manatdan başlayacaq".
Ekspert bildirib ki, büdcə defisiti və inflyasiya riski nəzərə alınaraq, minimum əmək haqqında çox böyük artımlar gözlənilmir:
"Artımlar işə götürənlərin maliyyə yükünü artıracaq, xüsusilə kiçik özəl müəssisələr üçün çətinliklər yarada bilər. Gəlir vergisi üzrə güzəştlərin uzadılıb-uzadılmayacağı da hələ məlum deyil.
Əgər tətbiq olunarsa, özəl sektorda ixtisarların genişlənməsi ehtimalı var. Ümumilikdə, 2026-cı ildə minimum əmək haqqı 8–10% civarında artırılaraq təxminən 440 manat və ya bir qədər artıq olacaq".
Əfsanə Kamal
Demokrat.az
Bunu Demokrat.az-a açıqlamasında iqtisadçı ekspert Razi Abasbəyli deyib.
Ekspert bildirib ki, bu, minimum əmək haqqının növbəti ildə təxminən 5–8% artırılacağı anlamına gəlir:
"Əvvəlki illərin təcrübəsinə görə hökumət inflyasiyanın və əhalinin həyat səviyyəsinə mənfi təsirlərini yumşaltmaq üçün minimum əmək haqqlarını inflyasiyaya uyğun artırır. Bu mühafizəkar yanaşma 10–20% artımı nəzərdə tutur. Beləliklə, minimum əmək haqqı 400 manatdan 440–480 manata qədər arta bilər".
Onun sözlərinə görə, minimum əmək haqqının artımı orta əmək haqqına böyük təsir etmir:
"2026-cı ildə orta əmək haqqının 1156 manat olması proqnozlaşdırılır. Yaşayış minimumu da 2026-cı ildə 300 manat səviyyəsində müəyyən ediləcək. Müəllimlərin maaşı isə 1000 manatdan başlayacaq".
Ekspert bildirib ki, büdcə defisiti və inflyasiya riski nəzərə alınaraq, minimum əmək haqqında çox böyük artımlar gözlənilmir:
"Artımlar işə götürənlərin maliyyə yükünü artıracaq, xüsusilə kiçik özəl müəssisələr üçün çətinliklər yarada bilər. Gəlir vergisi üzrə güzəştlərin uzadılıb-uzadılmayacağı da hələ məlum deyil.
Əgər tətbiq olunarsa, özəl sektorda ixtisarların genişlənməsi ehtimalı var. Ümumilikdə, 2026-cı ildə minimum əmək haqqı 8–10% civarında artırılaraq təxminən 440 manat və ya bir qədər artıq olacaq".
Əfsanə Kamal
Demokrat.az
