“Növbəti mərhələdə elə Ermənistanın özü bu məsələdə maraqlı olmalıdır. Azərbaycanın əsas tələbi olan ATƏT-in Minsk qrupunun həmsədrliyinin ləğvi artıq həyata keçirilib. Eyni zamanda Ermənistan Konstitusiyasında Azərbaycanın ərazi bütövlüyünə qarşı iddialar yer alır. Hətta yalnız Azərbaycana deyil, Türkiyəyə qarşı da ərazi iddiaları mövcuddur. Bu kimi müddəalar tam şəkildə ləğv edilmədən, dayanıqlı sülhdən danışmaq çətindir”.
Bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Demokrat.az-a açıqlamasında deyib.
O əlavə edib ki, Vaşinqtonda paraflanmış sənədlər və həmin sənədlərə uyğun imzalanmış razılaşmaların icrası baxımından əsas məsuliyyət Ermənistan tərəfinin üzərinə düşür:
“Ermənistan daxilində baş verən siyasi proseslər fonunda Paşinyan hakimiyyəti bu məsuliyyəti dərk etməli və zəruri konstitusiya dəyişikliklərini həyata keçirməlidir. Bu dəyişikliklər referendum yolu ilə də mümkün ola bilər. Prezident İlham Əliyevin “Əl-Ərəbiyyə” kanalına verdiyi müsahibəsində də bu məsələ açıq şəkildə vurğulanıb. Ermənistan öz imzasına hörmətlə yanaşmalı və sülhə sadiqliyini əməli şəkildə göstərməlidir. Bu prosesə beynəlxalq tərəfdaşlar, xüsusilə də Vaşinqton təsir göstərməlidir. Zəngəzur dəhlizi və digər regional kommunikasiyaların açılması ilə bağlı irəliləyiş əldə etmək üçün Ermənistan Konstitusiyasında dəyişikliklər zəruridir. Əks halda, Vaşinqtonda əldə olunmuş razılaşmaların icrasında ləngimə olacaq və bu, regional sabitlik üçün təhlükə yarada bilər. Bu baxımdan, diplomatik vasitələrdən maksimum istifadə olunmalı və Ermənistan dərk etməlidir ki, sülh müqaviləsinin imzalanması ilk növbədə onun öz maraqlarına xidmət edir”.
Leyla Turan
Demokrat.az
Bunu Milli Məclisin Müdafiə, təhlükəsizlik və korrupsiya ilə mübarizə komitəsinin sədri Arzu Nağıyev Demokrat.az-a açıqlamasında deyib.
O əlavə edib ki, Vaşinqtonda paraflanmış sənədlər və həmin sənədlərə uyğun imzalanmış razılaşmaların icrası baxımından əsas məsuliyyət Ermənistan tərəfinin üzərinə düşür:
“Ermənistan daxilində baş verən siyasi proseslər fonunda Paşinyan hakimiyyəti bu məsuliyyəti dərk etməli və zəruri konstitusiya dəyişikliklərini həyata keçirməlidir. Bu dəyişikliklər referendum yolu ilə də mümkün ola bilər. Prezident İlham Əliyevin “Əl-Ərəbiyyə” kanalına verdiyi müsahibəsində də bu məsələ açıq şəkildə vurğulanıb. Ermənistan öz imzasına hörmətlə yanaşmalı və sülhə sadiqliyini əməli şəkildə göstərməlidir. Bu prosesə beynəlxalq tərəfdaşlar, xüsusilə də Vaşinqton təsir göstərməlidir. Zəngəzur dəhlizi və digər regional kommunikasiyaların açılması ilə bağlı irəliləyiş əldə etmək üçün Ermənistan Konstitusiyasında dəyişikliklər zəruridir. Əks halda, Vaşinqtonda əldə olunmuş razılaşmaların icrasında ləngimə olacaq və bu, regional sabitlik üçün təhlükə yarada bilər. Bu baxımdan, diplomatik vasitələrdən maksimum istifadə olunmalı və Ermənistan dərk etməlidir ki, sülh müqaviləsinin imzalanması ilk növbədə onun öz maraqlarına xidmət edir”.
Leyla Turan
Demokrat.az
