İran Prezidenti Məsud Pezeşkian Təbrizə səfəri zamanı benzinin pis olması səbəbindən taksiyə minməli olub.
“Qafqazinfo” xəbər verir ki, bu haqda “Nasr” agentliyi məlumat yayıb.
Belə ki, Pezeşkianın xüsusi müfəttişi Mustafa Moləvi prezidentin kortejindəki avtomobillərin Qəzvin yaxınlığında dayanmalı olduğunu bildirib.
Onun sözlərinə görə, kortej yanacaqdoldurma məntəqəsində benzin doldurduqdan sonra hərəkətə davam edib. Daha sonra hər üç avtomobil nasazlıq səbəbindən dayanıb.
Moləvinin sözlərinə görə, bu hadisəyə cavab olaraq Məsud Pezeşkian nə qubernatorluqla əlaqə saxlayıb, nə də rəsmi tədbir görüb, əksinə şəxsi taksi tutaraq Təbrizə gedib.
Texniki baxış zamanı isə məlum olub ki, avtomobillərə vurulan benzin su ilə qarışdırılıb.
