Çində 1933-cü ildə tapılan, lakin uzun müddət gizli saxlanılan Harbin kəllə sümüyü üzərində aparılan analizlər nəticəsində Denisovanlara aid ilk tam kəllə ortaya çıxıb. Tapıntı bu sirli insan növünün kim olduğu və necə göründüyü ilə bağlı vacib məlumatlar verib.
Demokrat.az BAKU.WS-ə istinadən xəbər verir ki, tapıntıya "Əjdaha adam" adı verilib. Tədqiqatlar göstərib ki, Denisovanlar müasir insan qədər böyük beyin həcmində olublar. Onlarda qalın qaş çıxıntısı və iri burun olub. Bu növ Asiyanın sərt iqlim şəraitində yaşamağa uyğunlaşıb.
Demokrat.az BAKU.WS-ə istinadən xəbər verir ki, tapıntıya "Əjdaha adam" adı verilib. Tədqiqatlar göstərib ki, Denisovanlar müasir insan qədər böyük beyin həcmində olublar. Onlarda qalın qaş çıxıntısı və iri burun olub. Bu növ Asiyanın sərt iqlim şəraitində yaşamağa uyğunlaşıb.
Genetik araşdırmalara görə, Denisovan DNT-si bu gün Melaneziya, Papua Yeni Qvineya və Avstraliya aborigenlərində 4–6% təşkil edir. Hətta Tibetdə yüksək hündürlüyə uyğunlaşma geninin (EPAS1) onlardan miras qaldığı aşkarlanıb.
Tədqiqatçılar hesab edir ki, Denisovanlar yalnız qitə daxilində deyil, dənizləri aşaraq Okeaniya bölgəsinə də yayıla biliblər. Bu araşdırma, insan təkamülündə yeni səhifə açır.
