İranın ali dini rəhbəri Əli Xamenei İsrailin ölkəyə hava hücumları ilə əlaqədar təhlükəsiz yerə köçürülüb.
Bu barədə “Nyu-York Tayms” İran rəsmilərinə istinadla məlumat yayıb.
“İranın ali dini rəhbəri Əli Xamenei dünən İsrailin ölkəyə hava hücumlarının başlamasından qısa müddət sonra təhlükəsiz yerə köçürülüb. Onun hazırda harada olmasıni məhdud sayda adam bilir.
Hücumlardan dərhal sonra o, İran Ali Milli Təhlükəsizlik Şurasını toplayaraq İsrailə cavab zərbələrini müzakirə edib. Xamenei şura üzvlərinə qisas almaq istədiyini, amma necə ola biləcəyini bilmədiyini söyləyib”, - məlumatda deyilir.
Xatırladaq ki, İsrail Hərbi Hava Qüvvələri iyunun 13-də səhər saatlarında İrana zərbələr endirib. Hücum zamanı ölkənin Fordo və Natantz nüvə obyektləri, eləcə də hərbi bazaları hədəfə alınıb. İranın Atom Enerjisi Təşkilatı Natanz nüvə müəssisəsinin məhv edildiyini təsdiqləyib.
Hava əməliyyatları nəticəsində İran İslam İnqilabı Keşikçiləri Korpusunun baş komandanı general-mayor Hüseyn Salami, Silahlı Qüvvələrin Baş Qərargah rəisi general-leytenant Məhəmməd Hüseyn Baqiri, Ali Rəhbərin müşaviri Əli Şamxani, “Hatəm-əl-Ənbiya” Qərargahının rəisi Qulam Əli Rəşid, İran İslam İnqilabı Keşikçiləri Korpusunun Aerokosmik Qüvvələrinin komandanı Əmirəli Hacızadə daxil olmaqla iyirmi yüksək rütbəli zabit və altı nüvə fizikası mütəxəssisi həlak olub. Ümumilikdə isə, onlarla şəxsin həlak olduğu, yüzlərlə şəxsin isə yaralandığı bildirilir.
İran iyunun 14-ündə gecə saatlarında “Əsl vəd-3” adı altında paytaxt Təl-Əviv şəhəri İsrailin bir sıra şəhərlərinə raket zərbələri endirib. Nəticədə, 3 nəfər hələk olub, onlarla şəxs yaralanıb.
Hücumlardan sonra İranın bütün hava limanlarında bütün uçuşlar növbəti xəbərdarlığa qədər dayandırılıb.
Bu barədə “Nyu-York Tayms” İran rəsmilərinə istinadla məlumat yayıb.
“İranın ali dini rəhbəri Əli Xamenei dünən İsrailin ölkəyə hava hücumlarının başlamasından qısa müddət sonra təhlükəsiz yerə köçürülüb. Onun hazırda harada olmasıni məhdud sayda adam bilir.
Hücumlardan dərhal sonra o, İran Ali Milli Təhlükəsizlik Şurasını toplayaraq İsrailə cavab zərbələrini müzakirə edib. Xamenei şura üzvlərinə qisas almaq istədiyini, amma necə ola biləcəyini bilmədiyini söyləyib”, - məlumatda deyilir.
Xatırladaq ki, İsrail Hərbi Hava Qüvvələri iyunun 13-də səhər saatlarında İrana zərbələr endirib. Hücum zamanı ölkənin Fordo və Natantz nüvə obyektləri, eləcə də hərbi bazaları hədəfə alınıb. İranın Atom Enerjisi Təşkilatı Natanz nüvə müəssisəsinin məhv edildiyini təsdiqləyib.
Hava əməliyyatları nəticəsində İran İslam İnqilabı Keşikçiləri Korpusunun baş komandanı general-mayor Hüseyn Salami, Silahlı Qüvvələrin Baş Qərargah rəisi general-leytenant Məhəmməd Hüseyn Baqiri, Ali Rəhbərin müşaviri Əli Şamxani, “Hatəm-əl-Ənbiya” Qərargahının rəisi Qulam Əli Rəşid, İran İslam İnqilabı Keşikçiləri Korpusunun Aerokosmik Qüvvələrinin komandanı Əmirəli Hacızadə daxil olmaqla iyirmi yüksək rütbəli zabit və altı nüvə fizikası mütəxəssisi həlak olub. Ümumilikdə isə, onlarla şəxsin həlak olduğu, yüzlərlə şəxsin isə yaralandığı bildirilir.
İran iyunun 14-ündə gecə saatlarında “Əsl vəd-3” adı altında paytaxt Təl-Əviv şəhəri İsrailin bir sıra şəhərlərinə raket zərbələri endirib. Nəticədə, 3 nəfər hələk olub, onlarla şəxs yaralanıb.
Hücumlardan sonra İranın bütün hava limanlarında bütün uçuşlar növbəti xəbərdarlığa qədər dayandırılıb.
