Bu bürclə yaşamaq digərlərindən qat-qat çətin hesab edilir

Astrologiya həvəskarlarının ən çox maraqlandığı mövzulardan biri də hansı bürclə yaşamağın ən çətin olmasıdır. Münasibətlərdəki uyğunsuzluqları bürclərə bağlayanların sayı kifayət qədər çoxdur. 

Demokrat.az astroloqların tez-tez qeyd etdiyi əlamətlər və onların səbəblərini araşdırıb:

Əqrəblər dərin emosiyalara malikdirlər. Sevdikləri ilə sıx bağlar qururlar, bəzən bu qısqanclığa, nəzarət ehtiyacına çevrilə bilər. Onlarla yaşamaq azadlığı sevən insanlar üçün çətin ola bilər.

Astroloji mənbələrə görə, onlar haqsızlıq edildiyini düşündükləri zaman asanlıqla bağışlamazlar. Kin saxlamaq və keçmiş üzərində dayanmaq meyilləri yüksəkdir.

Yüksək intuisiyaları sayəsində "əqrəblər "qarşıdakı insanın zəif tərəflərini fərq edə bilir və bəzən bu məlumatı öz xeyrinə istifadə edə bilirlər. Bu, münasibətlərdə inam problemlərinə səbəb ola bilər. 

Oğlaq, qız və qoç bürcləri digər çətin bürclər hesab edilirlər. 

Əqrəbdən sonra yaşaması çətin hesab edilən digər əlamətlər belə sıralanır:

Oğlaq: Sərt və qaydalara bağlı təbiəti ilə çevik xarakterlərlə toqquşa bilir.

Qız: Həddindən artıq detallı və tənqidi xarakter gündəlik həyatda təzyiq yarada bilər.

Qoç: Səbirsiz və dominant xarakteri ilə harmoniyanı çətinləşdirə bilər.


Əfsanə Kamal
Demokrat.az