Hazırda Bakı şəhərində və bölgələrdə 67 ümumi təhsil müəssisəsində inklüziv təhsil həyata keçirilir.
Bu barədə Məktəbəqədər və Ümumi Təhsil üzrə Dövlət Agentliyindən Bizim.Media-nın sorğusuna cavab olaraq bildirilib.
Məlumatda qeyd olunub ki, 2025-2026-cı tədris ili ərzində daha 24 müəssisədə inklüziv təhsilin təşkili nəzərdə tutulub.
Bəs ümumi olaraq neçə şagird inkluziv təhsilə cəlb olunub?
“Cari vəziyyətdə 362 sağlamlıq imkanları məhdud uşaq inklüziv təhsilə cəlb edilib”, - deyə açıqlamada bildirilib, həmçinin, həmin şagirdlər üçün yaradılan imkanlardan da bəhs edilib.
“İnklüziv təhsil həyata keçirilən ümumi təhsil müəssisələri əyani vasitlərlə və avadanlıqlarla təmin olunub. Sağlamlıq imkanları məhdud uşaqların keyfiyyətli təhsil almaq hüququnu təmin etmək, fərdi və qrup məşğələlərini həyata keçirmək məqsədilə həmin müəssisələr köməkçi otaq, avadanlıq, mebel və s. ilə təmin olunub.
Eyni zamanda müəssisələr reabilitasiya avadanlıqları, didaktik materiallarla, digər yardımçı vəsait və texnologiyalarla təchiz edilib, maneəsiz hərəkətin təşkili üçün panduslar quraşdırılıb.
Sağlamlıq imkanları məhdud uşaqların inklüziv təhsilə cəlb olunmasını təmin etmək məqsədilə onların məlumat bazası yaradılıb. İnklüziv sinif təşkil edilən ümumi təhsil müəssisəsində sağlamlıq imkanları məhdud uşaq üçün “Fərdi Tədris Planı” hazırlanıb”.
Qeyd edək ki, inkluziv təhsil dedikdə, uşaqların fiziki, psixi, intellektual və digər xüsusiyyətlərindən asılı olmayaraq, onların öz həmyaşıdları ilə məktəbdə eyni sinifdə təhsilə cəlb edilməsi nəzərdə tutulur.
Bu barədə Məktəbəqədər və Ümumi Təhsil üzrə Dövlət Agentliyindən Bizim.Media-nın sorğusuna cavab olaraq bildirilib.
Məlumatda qeyd olunub ki, 2025-2026-cı tədris ili ərzində daha 24 müəssisədə inklüziv təhsilin təşkili nəzərdə tutulub.
Bəs ümumi olaraq neçə şagird inkluziv təhsilə cəlb olunub?
“Cari vəziyyətdə 362 sağlamlıq imkanları məhdud uşaq inklüziv təhsilə cəlb edilib”, - deyə açıqlamada bildirilib, həmçinin, həmin şagirdlər üçün yaradılan imkanlardan da bəhs edilib.
“İnklüziv təhsil həyata keçirilən ümumi təhsil müəssisələri əyani vasitlərlə və avadanlıqlarla təmin olunub. Sağlamlıq imkanları məhdud uşaqların keyfiyyətli təhsil almaq hüququnu təmin etmək, fərdi və qrup məşğələlərini həyata keçirmək məqsədilə həmin müəssisələr köməkçi otaq, avadanlıq, mebel və s. ilə təmin olunub.
Eyni zamanda müəssisələr reabilitasiya avadanlıqları, didaktik materiallarla, digər yardımçı vəsait və texnologiyalarla təchiz edilib, maneəsiz hərəkətin təşkili üçün panduslar quraşdırılıb.
Sağlamlıq imkanları məhdud uşaqların inklüziv təhsilə cəlb olunmasını təmin etmək məqsədilə onların məlumat bazası yaradılıb. İnklüziv sinif təşkil edilən ümumi təhsil müəssisəsində sağlamlıq imkanları məhdud uşaq üçün “Fərdi Tədris Planı” hazırlanıb”.
Qeyd edək ki, inkluziv təhsil dedikdə, uşaqların fiziki, psixi, intellektual və digər xüsusiyyətlərindən asılı olmayaraq, onların öz həmyaşıdları ilə məktəbdə eyni sinifdə təhsilə cəlb edilməsi nəzərdə tutulur.
