“Azərbaycan Uşaqları” İctimai Birliyinin sığınacağında səkkiz uşaq rotavirusa yoluxub. Onlardan ikisi xəstəxanaya yerləşdirilib, altısının isə müalicəsi sığınacaqda davam etdirilir. Daha 24 uşağın virusa yoluxma riski olduğu bildirilir. Virus ürəkbulanma, qusma, yüksək temperaturla başlayır və bəzi uşaqlarda burun qanaxması, ishal kimi əlamətlərlə müşahidə olunur. Bu viruslardan uşaqları necə qoruyaq?
Bununla bağlı pediatr Xəyalə Quliyeva Demokrat.az-a açıqlama verib.
O qeyd edib ki, rotavirus infeksiyası çox geniş yayılmış bağırsaq infeksiyalarından biridir:
“Təbii ki, bu tək indi yayılmayıb, bu hər il uşaqlarda müşahidə olunur. Xəstəliyin artma dövrü var. Yaz, yay aylarında rotavirus infeksiyası daha da çiçəklənir. Xəstəliyin əsas əlaməti ürəkbulanma, qusma, yüksək temperaturdur. Temperatur 39-40 dərəcəyə qədər yüksələ bilir. Gün əzində 3 dəfədən 10 dəfəyə kimi qusma ola bilir. Yoluxma əsasən havadamcı yolu ilədir. Eyni zamanda qusuntu kütləsi və ifraz olunmuş nəcislədir. Ona görə də burada qorunmaq daha çətindir”.
Həkim əlavə edib ki, virus infeksiyalarından qorunma mexanizmi hamısında eynidir:
“Əllərin yuyulması, əgər uşaqda xəstəlik varsa maskadan istifadə olunma və hər hansı bir uşaqda xəstəlik varsa uşaq təcrid olunmalıdır. Yəni, rotavirusdan qorunmaq üçün heç bir dərman yoxdur. Evdə əgər bir uşaqda olursa, digər uşağa yoluxma ehtimalı yüksəkdir. Xəstəlik zamanı su çox itirilir. Uşağa gün ərzində tez-tez maye verilməlidir. Ağır yeməklər tövsiyə edilmir. Pəhriz yeməklərinə keçmək lazımdır”.
Leyla Turan
Demokrat.az
Bununla bağlı pediatr Xəyalə Quliyeva Demokrat.az-a açıqlama verib.
O qeyd edib ki, rotavirus infeksiyası çox geniş yayılmış bağırsaq infeksiyalarından biridir:
“Təbii ki, bu tək indi yayılmayıb, bu hər il uşaqlarda müşahidə olunur. Xəstəliyin artma dövrü var. Yaz, yay aylarında rotavirus infeksiyası daha da çiçəklənir. Xəstəliyin əsas əlaməti ürəkbulanma, qusma, yüksək temperaturdur. Temperatur 39-40 dərəcəyə qədər yüksələ bilir. Gün əzində 3 dəfədən 10 dəfəyə kimi qusma ola bilir. Yoluxma əsasən havadamcı yolu ilədir. Eyni zamanda qusuntu kütləsi və ifraz olunmuş nəcislədir. Ona görə də burada qorunmaq daha çətindir”.
Həkim əlavə edib ki, virus infeksiyalarından qorunma mexanizmi hamısında eynidir:
“Əllərin yuyulması, əgər uşaqda xəstəlik varsa maskadan istifadə olunma və hər hansı bir uşaqda xəstəlik varsa uşaq təcrid olunmalıdır. Yəni, rotavirusdan qorunmaq üçün heç bir dərman yoxdur. Evdə əgər bir uşaqda olursa, digər uşağa yoluxma ehtimalı yüksəkdir. Xəstəlik zamanı su çox itirilir. Uşağa gün ərzində tez-tez maye verilməlidir. Ağır yeməklər tövsiyə edilmir. Pəhriz yeməklərinə keçmək lazımdır”.
Leyla Turan
Demokrat.az
