Bakının Suraxanı rayonunda 1999-cu il təvəllüdlü Həbib işlədiyi “Antalya” adlı restoranda digər işçi Şrixanı bıçaqlayıb.
Demokrat.az-ın əldə etdiyi məlumata görə, hadisə Suraxanı rayonu, Hövsan qəsəbəsi, Bağlar yaşayış sahəsi, “Antalya” adlı restoranda baş verib.
Həbib restoranın salon hissəsində Şirxanın qapını açarla bağlamamasını, çölə çıxaraq telefonla danışmalı olduğunu bildirməsi, lakin sonuncunun onunla razılaşmayaraq qapını açmaması səbəbindən aralarında yaranmış və bir neçə dəqiqə davam edən mübahisə, əlbəyaxa dava-dalaş zəminində qisas almaq məqsədilə restoranın digər hissəsində yerləşən mətbəxdən bıçaq götürüb, yenidən restoranın salon hissəsinə qayıdıb. O, Şirxanın sinə sol kürəkaltı nahiyyəsindən bıçaqla vuraraq ona müxtəlif dərəcəli bədən xəsarətləri yetirib.
Hadisəni törədən Həbibin barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Həbib ona elan olunmuş ittiham üzrə özünü təqsirli bilib. O, ifadəsində göstəribb ki, hadisənin baş verməsindən 4 gün əvvəl Hövsan qəsəbəsi, Bağlar massivində yerləşən “Antalya” restoranında işə başlayıb: “İşə başladığım gün restoranın müdiri Şirxanı orada işləyən fəhlə kimi təqdim etdi və həmin gündən Şirxan mənə qarşı soyuq rəftar etməyə başladı. Mən həmin axşam onunla oturub mehriban danışdım, sonradan onun hərəkətlərindən şübhələndiyim üçün dostum Elcana may ayının 18-dək işləyib, əmək haqqını alaraq işdən çıxmağı bildirdim. Həmin gün restoranın müdiri axşam saat 11-dən etibarən qapıları bağlayıb, çöldən içəri kimsənin girməməsini bildirdi”.
Təqsirləndirilən şəxs qeyd edib ki, səhəri gün saat 12 radələrində restoranın həyətində həmişə çay içdikləri yerdə çay içməyə getmək istəyərkən Şirxan qapını bağladığını görüb: “Mən də müdir Qadir müəllimə bu haqda bildirdim. Qadir müəllim isə mənə Şirxana elə bir şey demədiyini və qapını bağlı saxlamağın işçilərə aid olmadığını, ona qapını açmağı deyəcəyini bildirdi. O, isə qapını açdı. Həmin ərəfədə restorana işləmək üçün bir nəfər də gəlmişdi, həmin şəxs siqaret çəkdiyi zaman Şirxan ona siqaret çəkməməyi bildirdi, Şirxanla həmin şəxs aramızda mübahisə başladı. Həmin şəxs Şirxanı vurmaq istəyərkən mən maneə oldum”.
Həbib bildirib ki, hadisə baş verən gün o, nişanlısı ilə danışmaq üçün Şirxana qapını açmasını və telefonla danışacağını bildirib: “O isə qapıların bağlı olduğunu, çıxmağa icazə olmadığını, müdiriyyətin bu barədə tapşırıq verdiyini və yatdıqları yerdə danışmasını bildirdi. Yatdığımız yerdə də işıq yanmadığından Şirxana orda ailə ilə danışmaq mümkün olmadığını və qapını açmasını xahiş etdim. Lakin Şirxan qapını açmadı və nəticədə bu hadisə baş verdi. Mən ilk öncə onu itələdim. Bu zaman Şirxan da məni itələdi. Dəfələrlə qapını açmasını, çölə çıxıb telefonla danışmağımı ondan tələb etməyimə baxmayaraq, o, qapını açmadı. Artıq səbrim çatmadığı üçün işdən çıxdığımı, sabah gələrək müdirlə son haqq-hesabını edəcəyimi, bu səbəbdən qapını açmasını Şirxandan istədim. Lakin Şirxan yenə də qapını açmadı. Həmin vaxt yemək yediyimiz yerdə bıçağı gördüm və Şirxanı qorxutmaq məqsədilə onun yaxasından tutdum. O, da mənim yaxamı tutdu. Bu zaman Şirxana qapını açmasını, əgər qapını açmazsa bıçaqla vuracağımı bildirdim. Mən artıq bu dəfə işdən çıxmaq üçün qapını açmasını ondan tələb etdim. Lakin Şirxan qapını açmadı. Şirxan məni vurmaq istəyərkən çox əsəbi olduğum üçün ona bir bıçaq zərbəsi yetirdim. Mənim Şirxanı öldürmək niyyətim olmayıb. Bıçağı sadəcə onu qorxutmaq məqsədi ilə götürmüşəm. Daha sonra nə etdiyimi anladıqda ona su gətirdim. Su gətirərkən çiynim qapının şüşəsinə dəydi, sınmış şüşə mənim əlimi kəsdi. Bu zaman mən digər şəxslərə təcili tibbi yardım çağırmalarını bildirdim. Təcili yardım maşınına da Şirxanı özüm mindirdim. Bundan sonra yol da polis əməkdaşları məni saxladılar”.
Təqsirləndirilən şəxs həmçinin bildirib ki, zərərçəkmiş Şirxanla barışmaq üçün addım atıb, lakin barışıq üçün ondan istədikləri məbləği vermək imkanı olmayıb.
İş üzrə zərərçəkmiş qismində ifadə verən Şirxanın sözlərinə görə, əmək müqaviləsi bağlamaqla “Antalya” restoranında 4 ildir işləyib: “Hadisə günü, saat 22 radələrində “Antalya” restoranında işləyən Həbib məndən qapını açmağımı və telefonla danışmaq istədiyini bildirdi. Bütün işçilər gecə restoranda qaldıqlarından mən də ona müdirin icazə vermədiyini bildirdim. Bundan sonra restoranın zal hissəsində həmin hadisə baş verdi. Həbiblə aramızda mübahisə yarandı. Onun dostu bizi ayırdı. Daha sonra kababçı Səyavuş gəldi. Həbib yumruqla mənim burun nahiyəmdən vurdu, yenidən məndən qapını açmağımı tələb etdi. Mən isə qapını açmadım. Bundan sonra ilk olaraq padnosu götürdü, ancaq onunla heç nə etmədi. Həbib mətbəxə keçərək mətbəxdən balaca bir bıçaq gətirdi və məndən qapını açmağımı istədi. Mən isə yenə də qapını açmağa icazəmin olmadığını bildirdi. Daha sonra o, bıçağı dəyişərək böyük bıçaq gətirdi və məni bıçaqla vurmaqla hədələdi. Mən ona məni vura bilməyəcəyini bildirdim. Həbib bıçaqla mənə qarşı həmlələr etdi. Mən əlimlə bunun qarşısını almağa çalışdıqda sonuncu əlindəki bıçaqla sol kürəkaltı nahiyəmdən vurdu. Məni bıçaqla vurarkən Elcan, Səyavuş və orada olan fəhlə hadisənin şahidi olublar. Hadisədən sonra mən açarı vermişəm, qapını açıblar və Həbib çölə çıxdı. Bundan sonra qapını yenidən bağladılar. Həbib qapının şüşəsini sındıraraq içəri daxil oldu. Bir qədər sonra hadisə yerinə təcili tibbi yardım maşını gəlib və məni xəstəxanaya aparıblar”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Həbib 3 il müddətinə azadlıqdan məhrum edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisə Suraxanı rayonu, Hövsan qəsəbəsi, Bağlar yaşayış sahəsi, “Antalya” adlı restoranda baş verib.
Həbib restoranın salon hissəsində Şirxanın qapını açarla bağlamamasını, çölə çıxaraq telefonla danışmalı olduğunu bildirməsi, lakin sonuncunun onunla razılaşmayaraq qapını açmaması səbəbindən aralarında yaranmış və bir neçə dəqiqə davam edən mübahisə, əlbəyaxa dava-dalaş zəminində qisas almaq məqsədilə restoranın digər hissəsində yerləşən mətbəxdən bıçaq götürüb, yenidən restoranın salon hissəsinə qayıdıb. O, Şirxanın sinə sol kürəkaltı nahiyyəsindən bıçaqla vuraraq ona müxtəlif dərəcəli bədən xəsarətləri yetirib.
Hadisəni törədən Həbibin barəsində Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Həbib ona elan olunmuş ittiham üzrə özünü təqsirli bilib. O, ifadəsində göstəribb ki, hadisənin baş verməsindən 4 gün əvvəl Hövsan qəsəbəsi, Bağlar massivində yerləşən “Antalya” restoranında işə başlayıb: “İşə başladığım gün restoranın müdiri Şirxanı orada işləyən fəhlə kimi təqdim etdi və həmin gündən Şirxan mənə qarşı soyuq rəftar etməyə başladı. Mən həmin axşam onunla oturub mehriban danışdım, sonradan onun hərəkətlərindən şübhələndiyim üçün dostum Elcana may ayının 18-dək işləyib, əmək haqqını alaraq işdən çıxmağı bildirdim. Həmin gün restoranın müdiri axşam saat 11-dən etibarən qapıları bağlayıb, çöldən içəri kimsənin girməməsini bildirdi”.
Təqsirləndirilən şəxs qeyd edib ki, səhəri gün saat 12 radələrində restoranın həyətində həmişə çay içdikləri yerdə çay içməyə getmək istəyərkən Şirxan qapını bağladığını görüb: “Mən də müdir Qadir müəllimə bu haqda bildirdim. Qadir müəllim isə mənə Şirxana elə bir şey demədiyini və qapını bağlı saxlamağın işçilərə aid olmadığını, ona qapını açmağı deyəcəyini bildirdi. O, isə qapını açdı. Həmin ərəfədə restorana işləmək üçün bir nəfər də gəlmişdi, həmin şəxs siqaret çəkdiyi zaman Şirxan ona siqaret çəkməməyi bildirdi, Şirxanla həmin şəxs aramızda mübahisə başladı. Həmin şəxs Şirxanı vurmaq istəyərkən mən maneə oldum”.
Həbib bildirib ki, hadisə baş verən gün o, nişanlısı ilə danışmaq üçün Şirxana qapını açmasını və telefonla danışacağını bildirib: “O isə qapıların bağlı olduğunu, çıxmağa icazə olmadığını, müdiriyyətin bu barədə tapşırıq verdiyini və yatdıqları yerdə danışmasını bildirdi. Yatdığımız yerdə də işıq yanmadığından Şirxana orda ailə ilə danışmaq mümkün olmadığını və qapını açmasını xahiş etdim. Lakin Şirxan qapını açmadı və nəticədə bu hadisə baş verdi. Mən ilk öncə onu itələdim. Bu zaman Şirxan da məni itələdi. Dəfələrlə qapını açmasını, çölə çıxıb telefonla danışmağımı ondan tələb etməyimə baxmayaraq, o, qapını açmadı. Artıq səbrim çatmadığı üçün işdən çıxdığımı, sabah gələrək müdirlə son haqq-hesabını edəcəyimi, bu səbəbdən qapını açmasını Şirxandan istədim. Lakin Şirxan yenə də qapını açmadı. Həmin vaxt yemək yediyimiz yerdə bıçağı gördüm və Şirxanı qorxutmaq məqsədilə onun yaxasından tutdum. O, da mənim yaxamı tutdu. Bu zaman Şirxana qapını açmasını, əgər qapını açmazsa bıçaqla vuracağımı bildirdim. Mən artıq bu dəfə işdən çıxmaq üçün qapını açmasını ondan tələb etdim. Lakin Şirxan qapını açmadı. Şirxan məni vurmaq istəyərkən çox əsəbi olduğum üçün ona bir bıçaq zərbəsi yetirdim. Mənim Şirxanı öldürmək niyyətim olmayıb. Bıçağı sadəcə onu qorxutmaq məqsədi ilə götürmüşəm. Daha sonra nə etdiyimi anladıqda ona su gətirdim. Su gətirərkən çiynim qapının şüşəsinə dəydi, sınmış şüşə mənim əlimi kəsdi. Bu zaman mən digər şəxslərə təcili tibbi yardım çağırmalarını bildirdim. Təcili yardım maşınına da Şirxanı özüm mindirdim. Bundan sonra yol da polis əməkdaşları məni saxladılar”.
Təqsirləndirilən şəxs həmçinin bildirib ki, zərərçəkmiş Şirxanla barışmaq üçün addım atıb, lakin barışıq üçün ondan istədikləri məbləği vermək imkanı olmayıb.
İş üzrə zərərçəkmiş qismində ifadə verən Şirxanın sözlərinə görə, əmək müqaviləsi bağlamaqla “Antalya” restoranında 4 ildir işləyib: “Hadisə günü, saat 22 radələrində “Antalya” restoranında işləyən Həbib məndən qapını açmağımı və telefonla danışmaq istədiyini bildirdi. Bütün işçilər gecə restoranda qaldıqlarından mən də ona müdirin icazə vermədiyini bildirdim. Bundan sonra restoranın zal hissəsində həmin hadisə baş verdi. Həbiblə aramızda mübahisə yarandı. Onun dostu bizi ayırdı. Daha sonra kababçı Səyavuş gəldi. Həbib yumruqla mənim burun nahiyəmdən vurdu, yenidən məndən qapını açmağımı tələb etdi. Mən isə qapını açmadım. Bundan sonra ilk olaraq padnosu götürdü, ancaq onunla heç nə etmədi. Həbib mətbəxə keçərək mətbəxdən balaca bir bıçaq gətirdi və məndən qapını açmağımı istədi. Mən isə yenə də qapını açmağa icazəmin olmadığını bildirdi. Daha sonra o, bıçağı dəyişərək böyük bıçaq gətirdi və məni bıçaqla vurmaqla hədələdi. Mən ona məni vura bilməyəcəyini bildirdim. Həbib bıçaqla mənə qarşı həmlələr etdi. Mən əlimlə bunun qarşısını almağa çalışdıqda sonuncu əlindəki bıçaqla sol kürəkaltı nahiyəmdən vurdu. Məni bıçaqla vurarkən Elcan, Səyavuş və orada olan fəhlə hadisənin şahidi olublar. Hadisədən sonra mən açarı vermişəm, qapını açıblar və Həbib çölə çıxdı. Bundan sonra qapını yenidən bağladılar. Həbib qapının şüşəsini sındıraraq içəri daxil oldu. Bir qədər sonra hadisə yerinə təcili tibbi yardım maşını gəlib və məni xəstəxanaya aparıblar”.
Bu cinayət işinə Bakı Ağır Cinayətlər Məhkəməsində baxılıb. Məhkəmənin hökmü ilə Həbib 3 il müddətinə azadlıqdan məhrum edilib.
Fariz Məlikli
Demokrat.az
