Avropa İttifaqı ölkələri Ukraynadakı müharibə ilə bağlı Rusiyaya qarşı yeni sanksiyalar tətbiq etməyə hazırdırlar.
Demokrat.az “Reuters“ə istinadən xəbər verir ki, bu barədə İspaniya, Almaniya, Fransa, İtaliya, Böyük Britaniya və Polşa xarici işlər nazirləri, eləcə də Aİ-nin Xarici İşlər və Təhlükəsizlik Siyasəti üzrə Ali Nümayəndəsi Kaya Kallas ilə birgə bəyanatda bildirilib.
"Biz Rusiyanın müharibə aparmaq qabiliyyətini məhdudlaşdırmaq və Ukraynanın ədalətli və davamlı sülh əldə etməsini təmin etmək üçün, yeni sanksiyalar da daxil olmaqla, Rusiyaya əlavə təzyiq göstərməyə hazırıq", - deyə bəyanatda bildirilib.
