İmişli rayonunda 1961-ci il təvəllüdlü Atamoğlan şəxsi münasibətlər zəminində yaranan mübahisə zamanı Dəyanətə xəsarət yetirib.
Demokrat.az-ın əldə etdiyi məlumata görə, hadisə 18 iyul 2023-cü ildə baş verib. Atamoğlan həmin gün saat 20 radələrində İmişli rayonu, Qaragüvəndikli kəndi ərazisində yolda avtomobillə hərəkətdə olarkən, həmin yolda piyada hərəkət edən Dəyanətə “yolun ortasından çəkil” dediyinə görə sonuncu bir qədər irəlidə yolun kənarında əsassız olaraq ona irad tutduğunu bildirib. Bu zaman o, Dəyanəti vuraraq ona xəsarətlər yetirib.
Hadisəni törədən Atamoğlanın barəsində Cinayət Məcəlləsinin 221.3-cü (silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq törətmək) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Atamoğlan ona elan olunmuş ittiham üzrə özünü Cinayət Məcəlləsinin 221.3-cü maddəsi ilə deyil, həmin Məcəllənin 128-ci (qəsdən sağlamlığa zərər vurma) maddəsi ilə nəzərdə tutulmuş cinayət əməlini törətməkdə təqsirli bilib.
Atamoğlun ifadəsində göstərib ki, saat 20 radələrində arvadı Leyla ona oğlu Samirgilin kimləsə mübahisə etdiyini deyib: “Mən də digər oğlum Şəmillə birlikdə onların yanına getdim. Bu vaxt oğlum Samirin həmkəndlmiz Dəyanət ilə sözlü mübahisə etdiyini gördüm. Dəyanətə iradlarımı bildirsəm də, sonuncu sakitləşmədi. Onun evimizin qarşısında səs-küy saldığı, mübahisə etdiyi və mənə nalayiq ifadələr işlətdiyi üçün əsəbləşdim. Onu iki dəfə sağ əlim ilə, yumruqla vurdum. Bu zaman Dəyanətin eynəyi sınaraq yerə töküldü. Mübahisə, dava-dalaş təxminən 2-3 dəqiqə davam etdi və həmin vaxt mənim əlimdə heç bir əşya olmayıb”.
İş üzrə zərərçəkmiş Dəyanətin sözlərinə görə, iyulun 18-də, saat 20 radələrində İmişli rayonu, Qaragüvəndikli kəndində Elgün adlı şəxsin mağazasından siqaret alaraq evə qayıdarkən, həmin vaxt avtomobil yanından keçib və həmin avtomobilin sürücüsü əlini avtomobildən çölə çıxararaq ona yoldan çəkil deyib: “Mən də həmin vaxt yolun kənarı ilə getmişdim. Lakin həmin şəxsə heç nə demədim. Bundan sonra həmkəndlimin fərdi yaşayış evinin yanında özümə məxsus torpaq sahəsinin qarşısına getdim. Oraya mal-qaranın gələn vaxtı olduğu üçün heyvanların həmin torpaq sahəsinə girməməsinə nəzarət etmişəm. Bu zaman həmin avtomobilin sürücüsü qarşıdan geri dönüb qayıdaraq Samirgilin fərdi yaşayış evinin qarşısında avtomobili saxladı və avtomobildən düşərək mənə tərəf gəldi. Mən də həmin şəxsə öz iradımı bildirirdim, yolun kənarı ilə getdiyim halda mənə nəyə görə elə dediyini soruşdum. Bu zaman həmin avtomobilin sürücüsü mənə nalayiq ifadələr işlətməyə başladı. Həmin vaxt Samir öz evlərindən çıxaraq gəldi, nə məsələ olduğunu soruşdum. Mən də Samirə hadisəni danışdım. Bundan sonra Samir mənə sonradan adını bildiyim Elgiz adlı sürücünün onlara qonaq gəldiyini dedi, mübahisənin lazım olmadığını, onun xətrinə həmin Elgiz adlı sürücünü bağışlamağımı istədi. Mən də Samirlə razılaşdım, öz aramızda söhbət etdik”.
Zərərçəkmiş qeyd edib ki, həmin vaxt təqsirləndirilən Atamoğlan və oğlu onların yanına gəlib: “Mən də arxaya çevrilərək Atamoğlangilin gəldiyini gördüm. Sonra Samirlə söhbətimə davam etdim. Bu zaman qəflətən arxadan Atamoğlan göz nahiyəmə yumruqla bir dəfə zərbə vurdu və gözümdə olan eynəyim sınaraq şüşəsi gözümə doldu. Daha sonra isə zərbənin təsirindən əllərim ilə üzümü tutarkən Atamoğlan baş nahiyəmin sol tərəfindən təkrar zərbə vuraraq mənə xəsarət yetirdi. Daha sonra atam gələrək məni oradan evə apardı”.
Bu cinayət işinə İmişli Rayon Məhkəməsində baxılıb. Məhkəmənin hökmü ilə Atamoğlanın əməli Cinayət Məcəlləsinin 128-ci (qəsdən sağlamlığa zərər vurma) maddəsinə tövsif
edilib.
Atamoğlanın zərərçəkmişlə barışması, zərərçəkmiş şəxsin ondan şikayətçi olmaması nəzərə alınıb. Bu səbəbdən Atamoğlanın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisə 18 iyul 2023-cü ildə baş verib. Atamoğlan həmin gün saat 20 radələrində İmişli rayonu, Qaragüvəndikli kəndi ərazisində yolda avtomobillə hərəkətdə olarkən, həmin yolda piyada hərəkət edən Dəyanətə “yolun ortasından çəkil” dediyinə görə sonuncu bir qədər irəlidə yolun kənarında əsassız olaraq ona irad tutduğunu bildirib. Bu zaman o, Dəyanəti vuraraq ona xəsarətlər yetirib.
Hadisəni törədən Atamoğlanın barəsində Cinayət Məcəlləsinin 221.3-cü (silahdan və ya silah qismində istifadə olunan əşyalardan istifadə edilməklə törədilməsi zərər çəkmiş şəxsə zor tətbiq olunması ilə, yaxud özgənin əmlakının məhv edilməsi və ya zədələnməsi ilə müşayiət olunan xuliqanlıq törətmək) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən Atamoğlan ona elan olunmuş ittiham üzrə özünü Cinayət Məcəlləsinin 221.3-cü maddəsi ilə deyil, həmin Məcəllənin 128-ci (qəsdən sağlamlığa zərər vurma) maddəsi ilə nəzərdə tutulmuş cinayət əməlini törətməkdə təqsirli bilib.
Atamoğlun ifadəsində göstərib ki, saat 20 radələrində arvadı Leyla ona oğlu Samirgilin kimləsə mübahisə etdiyini deyib: “Mən də digər oğlum Şəmillə birlikdə onların yanına getdim. Bu vaxt oğlum Samirin həmkəndlmiz Dəyanət ilə sözlü mübahisə etdiyini gördüm. Dəyanətə iradlarımı bildirsəm də, sonuncu sakitləşmədi. Onun evimizin qarşısında səs-küy saldığı, mübahisə etdiyi və mənə nalayiq ifadələr işlətdiyi üçün əsəbləşdim. Onu iki dəfə sağ əlim ilə, yumruqla vurdum. Bu zaman Dəyanətin eynəyi sınaraq yerə töküldü. Mübahisə, dava-dalaş təxminən 2-3 dəqiqə davam etdi və həmin vaxt mənim əlimdə heç bir əşya olmayıb”.
İş üzrə zərərçəkmiş Dəyanətin sözlərinə görə, iyulun 18-də, saat 20 radələrində İmişli rayonu, Qaragüvəndikli kəndində Elgün adlı şəxsin mağazasından siqaret alaraq evə qayıdarkən, həmin vaxt avtomobil yanından keçib və həmin avtomobilin sürücüsü əlini avtomobildən çölə çıxararaq ona yoldan çəkil deyib: “Mən də həmin vaxt yolun kənarı ilə getmişdim. Lakin həmin şəxsə heç nə demədim. Bundan sonra həmkəndlimin fərdi yaşayış evinin yanında özümə məxsus torpaq sahəsinin qarşısına getdim. Oraya mal-qaranın gələn vaxtı olduğu üçün heyvanların həmin torpaq sahəsinə girməməsinə nəzarət etmişəm. Bu zaman həmin avtomobilin sürücüsü qarşıdan geri dönüb qayıdaraq Samirgilin fərdi yaşayış evinin qarşısında avtomobili saxladı və avtomobildən düşərək mənə tərəf gəldi. Mən də həmin şəxsə öz iradımı bildirirdim, yolun kənarı ilə getdiyim halda mənə nəyə görə elə dediyini soruşdum. Bu zaman həmin avtomobilin sürücüsü mənə nalayiq ifadələr işlətməyə başladı. Həmin vaxt Samir öz evlərindən çıxaraq gəldi, nə məsələ olduğunu soruşdum. Mən də Samirə hadisəni danışdım. Bundan sonra Samir mənə sonradan adını bildiyim Elgiz adlı sürücünün onlara qonaq gəldiyini dedi, mübahisənin lazım olmadığını, onun xətrinə həmin Elgiz adlı sürücünü bağışlamağımı istədi. Mən də Samirlə razılaşdım, öz aramızda söhbət etdik”.
Zərərçəkmiş qeyd edib ki, həmin vaxt təqsirləndirilən Atamoğlan və oğlu onların yanına gəlib: “Mən də arxaya çevrilərək Atamoğlangilin gəldiyini gördüm. Sonra Samirlə söhbətimə davam etdim. Bu zaman qəflətən arxadan Atamoğlan göz nahiyəmə yumruqla bir dəfə zərbə vurdu və gözümdə olan eynəyim sınaraq şüşəsi gözümə doldu. Daha sonra isə zərbənin təsirindən əllərim ilə üzümü tutarkən Atamoğlan baş nahiyəmin sol tərəfindən təkrar zərbə vuraraq mənə xəsarət yetirdi. Daha sonra atam gələrək məni oradan evə apardı”.
Bu cinayət işinə İmişli Rayon Məhkəməsində baxılıb. Məhkəmənin hökmü ilə Atamoğlanın əməli Cinayət Məcəlləsinin 128-ci (qəsdən sağlamlığa zərər vurma) maddəsinə tövsif
edilib.
Atamoğlanın zərərçəkmişlə barışması, zərərçəkmiş şəxsin ondan şikayətçi olmaması nəzərə alınıb. Bu səbəbdən Atamoğlanın barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
