ABŞ-nin Kaliforniya ştatının Los-Anceles şəhərində baş verən yanğında dünya şöhrətli insanlara məxsus milyonlarla dollar dəyərində malikanələr kül olub.
Demokrat.az “Cebheinfo.az”-a istinadən xəbər verir ki, yanğın xəttində bir çox türkiyəli məşhurlara məxsus evlərin olduğu da məlum olub.
ABŞ mətbuatında çıxan xəbərlərdə Paris Hilton, Mandy Moore və Cary Elves kimi bir çox məşhurların yanğında evlərini itirdiyi bildirilib.
Türkiyəli məşhurlardan Fənərbaxça İdman Klubunun prezidenti və Koç Holdinq İdarə Heyətinin üzvü Ali Koç 2020-ci ilin noyabr ayında 14,5 milyon dollar ödəyərək şəhərin ən gözəl yerində super lüks malikanə alıb.
Beren Saat və Kənan Doğulu cütlüyünün 2018-ci ildə Los-Ancelesdə ev aldığı bildirilir.
Tolgahan Sayışman 2015-ci ildə Los-Anceles Hermosa Beachdə ev alıb.
Serenay Sarıkaya 2018-ci ildə sevgilisi Kerem Bürsinlə birlikdə olarkən Los-Ancelesdə 2+1 mənzil alıb. Gözəl aktrisa sözügedən mənzilə yüksək məbləğdə ödəniş edib.
2015-ci ildə həyat yoldaşı Sinem Kobal ilə Los-Ancelesdə ev alan Kənan İmirzalıoğlu işinin sıx olması səbəbindən evə tez-tez baş çəkə bilməyib və evdə daha çox dostları qalıb.
Los-Ancelesdən məşhur aktyor Çağatay Ulusoyun da evi var. 2020-ci ildə Los-Ancelesdə restoran açan Ulusoyun bölgədən ev aldığı məlum olub.
Qeyd edək ki, Los-Ancelesdə baş verən yanğında həyatını itirənlərin sayı 5-ə yüksəlib.
Çoxlu sayda insan da yaralanıb. Yanğın şəhərin dəbdəbəli məhəllələrini külə çevirib. Dövlət orqanlarının təxminən 120 min insanın təxliyəsi üçün göstəriş verdiyi yanğın Hollivud bölgəsinə də sirayət edib.
