Bakının Sabunçu rayonunda 1983-cü il təvəllüdlü İlkin şəxsi münasibətlər zəminində yaranan mübahisə zamanı həyat yoldaşı Rəqsanəyə (adlar şərti göstərilib – red.) xəsarət yetirib.
Demokrat.az-ın əldə etdiyi məlumata görə, hadisə 29 iyul 2024-cü ildə baş verib. İlkin həmin gün saat 22:00-da onunla birgə yaşayan rəsmi həyat yoldaşı Rəqsanə ilə aralarında yaranmış ailə-məişət münasibətləri zəminində qəsdən sağ yumruğu ilə onun sağ göz nahiyyəsinə yaşadıqları evin yataq otağında bir dəfə vurub.
Hadisəni törədən İlkinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən İlkin ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş Rəqsanə onun rəsmi həyat yoldaşıdır, 2004-cü ildə ailə qurublar: “Hazırda bu evlilikdən üç qız, dörd oğlan olmaqla yeddi övladımız var. Hadisədən təxminən 3 ay əvvəl yaşadığım evdə həyat yoldaşım Rəqsanə ilə aramızda mübahisələr yaranmağa başladı. Saat 22:00-da yaşadığımız evdə olan zaman həyat yoldaşım ilə aramızda mübahisə yarandı. Mən Rəqsanəyə bildirdim ki, uşaqlar yatır, biraz sakit danışsın. Rəqsanə sözümə məhəl qoymayaraq yüksək səslə danışığını davam etdirdiyi üçün əsəbləşdim. Sağ yumruğum ilə Rəqsanənin sağ göz nahiyyəsinə bir dəfə vuraraq ona xəsarət yetirdim. Hadisədən sonra Rəqsanəni evdən küçəyə çıxardaraq bildirdim ki, çıx get, valideyinlərinin evinə. Bundan sonra Rəqsanə 102 xidmətinə zəng vuraraq hadisə barəsində məlumat verdi. Hadisə yaşadığımız evdə, yataq otağında baş verib. Həmin zaman bizim yanımızda hər-hansı bir şəxs olmayıb”.
Bu cinayət işinə Sabunçu Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən İlkinin barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
Demokrat.az-ın əldə etdiyi məlumata görə, hadisə 29 iyul 2024-cü ildə baş verib. İlkin həmin gün saat 22:00-da onunla birgə yaşayan rəsmi həyat yoldaşı Rəqsanə ilə aralarında yaranmış ailə-məişət münasibətləri zəminində qəsdən sağ yumruğu ilə onun sağ göz nahiyyəsinə yaşadıqları evin yataq otağında bir dəfə vurub.
Hadisəni törədən İlkinin barəsində Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib.
Cinayət işi üzrə təqsirləndirilən şəxs qismində ifadə verən İlkin ona elan olunmuş ittiham üzrə özünü təqsirli bilib. O, ifadəsində göstərib ki, zərərçəkmiş Rəqsanə onun rəsmi həyat yoldaşıdır, 2004-cü ildə ailə qurublar: “Hazırda bu evlilikdən üç qız, dörd oğlan olmaqla yeddi övladımız var. Hadisədən təxminən 3 ay əvvəl yaşadığım evdə həyat yoldaşım Rəqsanə ilə aramızda mübahisələr yaranmağa başladı. Saat 22:00-da yaşadığımız evdə olan zaman həyat yoldaşım ilə aramızda mübahisə yarandı. Mən Rəqsanəyə bildirdim ki, uşaqlar yatır, biraz sakit danışsın. Rəqsanə sözümə məhəl qoymayaraq yüksək səslə danışığını davam etdirdiyi üçün əsəbləşdim. Sağ yumruğum ilə Rəqsanənin sağ göz nahiyyəsinə bir dəfə vuraraq ona xəsarət yetirdim. Hadisədən sonra Rəqsanəni evdən küçəyə çıxardaraq bildirdim ki, çıx get, valideyinlərinin evinə. Bundan sonra Rəqsanə 102 xidmətinə zəng vuraraq hadisə barəsində məlumat verdi. Hadisə yaşadığımız evdə, yataq otağında baş verib. Həmin zaman bizim yanımızda hər-hansı bir şəxs olmayıb”.
Bu cinayət işinə Sabunçu Rayon Məhkəməsində baxılıb. Məhkəmə təqsirləndirilən şəxsin zərərçəkmişlə barışmasını, zərərçəkmiş şəxsin ondan şikayətçi olmamasını nəzərə alıb. Bu səbəbdən İlkinin barəsində olan cinayət təqibinə xitam verilib. O, cinayət məsuliyyətindən azad edilib.
Fariz Məlikli
Demokrat.az
