Məşhur kino aktyoru və müğənni Stiven Siqal toy və korporativ tədbirlərdə iştirak üçün qiymətini açıqlayıb.
Azpost.info bildirir ki, Siqal 200 min avroya Moskvada korporativ tədbirdə çıxış etməyə hazırdır: bura transfer, yerləşdirmə, iki təbrik çıxışı və hətta ulduzla çəkilmiş beş fotoşəkil daxildir.
“Baza” teleqram kanalı bildirir ki, müştəri Siqalı təyyarə uçuşu, şəhərə transfer, oteldə yerləşmə və səyahət boyu yeməklə təmin etməlidir. Konsert məkanında səs gücləndiriciləri və konsert işıqlandırması olmalıdır. Həm də bütün binaların təhlükəsizliyini və sənətçinin şəxsi təhlükəsizliyini təmin etmək lazımdır.
Maraqlıdır ki, Siqalın gəlişi barədə heç kimə məlumat verə bilməzsiniz: mətbuatda və televiziyada hər hansı bir qeyd, eləcə də tamaşanın yazılması qadağandır. Ancaq yenə də kiçik kameralar və telefonlarla Siqalın şəklini çəkə bilərsiniz. Siqal ansamblla 50 dəqiqə çıxış edir, həmçinin onun üçün əvvəlcədən hazırlanacaq iki qısa təbrik çıxışı edə bilər.
Tədbir yalnız sənətçi xəstə olduqda və ya öldükdə ləğv edilə və ya başqa vaxta keçirilə bilər. Stiven Siqal və ya onun ailəsindən kimsə vəfat edərsə, təşkilatçılar pulu qaytaracaqlar.
