İsmayıllıda üç ailənin yaşadığı ev külə döndü: Xəsarət alanlar var

HADİSƏ 07 iyul 2024, 10:30

İsmayıllıda üç ailənin yaşadığı beşotaqlı mənzil yanaraq külə dönüb.

"Report"un xəbər verir ki, hadisə Qalınçaq kəndində Bəhmən Rəcəb oğlu Bayramova məxsus beşotaqlı fərdi yaşayış evində qeydə alınıb.

Ev sahibi, 1959-cu il təvəllüdlü Bəhmən Rəcəb oğlu Bayramov və 1969-cu il təvəllüdlü Nəzakət Yaqub qızı Bayramova zəhərlənmə diaqnozu ilə İsmayıllı Rayon Mərkəzi Xəstəxanasına aparılıblar.

Bundan başqa, yanğın nəticəsində xırdabuynuzlu ev heyvanları və toyuq-cücə tələf olub.

Hadisə yerinə Fövqəladə Hallar Nazirliyinin (FHN) İsmayıllı Rayon Dövlət Yanğından Mühafizə Hissəsinin canlı qüvvəsi və texnikası cəlb olunub.

Hazırda hadisənin hansı səbəbdən baş verməsi araşdırılır.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top