Sürət yarışı keçirib "TikTok"da paylaşdılar, həbs edildilər — VİDEO

HADİSƏ 23 may 2024, 12:42
Salyanda avtoxuliqanlıq edən sürücülər saxlanılıb.

Baş Dövlət Yol Polisi İdarəsindən Demokrat.az-a verilən məlumata görə, bu barədə "TikTok" sosial şəbəkə hesabında videogörüntü yayılıb. Həmin paylaşım əsasında Baş DYP İdarəsinin Yol-Patrul Xidməti Alayında araşdırmalar aparılıb. Nəticədə Salyan rayon sakinləri Anar Hüseynovun "Hyudai" markalı, Surət Əliyevin isə "VAZ 2107" markalı avtomobillərlə sürət yarışı təşkil edərək avtoxuliqanlıq əməli törətmələri müəyyən olunub.

Digər hərəkət iştirakçıları üçün təhlükə yaratmaqla kobud qayda pozuntularına yol verən hər iki sürücü barəsində İnzibati Xətalar Məcəlləsinin müvafiq maddəsinə əsasən protokollar tərtib edilərək baxılması üçün aidiyyatı məhkəməyə göndərilib.

Məhkəmənin qərarına əsasən hər iki şəxsin sürücülük hüququ məhdudlaşdırılmaqla - Anar Hüseynov 15, Surət Əliyev isə 20 gün müddətinə inzibati qaydada həbs edilib.
 

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top