Əfqanıstanda məscidə hücum: Ölən və yaralananlar var

Əfqanıstanın Pol-e-Xomri şəhərində yerləşən məsciddə cümə namazı vaxtı bombalı hücum edilib.

Demokrat.az xəbər verir ki, bu barədə bölgənin İnformasiya və Mədəniyyət Departamenti məlumat yayıb.

Bildirilib ki, İmam Zaman məscidində baş verən partlayış nəticəsində çoxlu sayda ölən və yaralananlar var.

Ölən və yaralananların sayı ilə bağlı dəqiq rəqəm açıqlamasa da, təfərrüatların ilk qiymətləndirmələrdən sonra paylaşılacağı bildirilib.

Qeyd edək ki, hələlik heç kim hücuma görə məsuliyyəti üzərinə götürməyib.

Aysu
Demokrat.az