Rusiya vətəndaşı Ermənistan İstintaq Komitəsinin binasından yıxılaraq ölüb

DÜNYA 20 iyl 2023, 22:51
Rusiya vətəndaşı Ermənistan İstintaq Komitəsinin İqtisadi Cinayətlər və Qaçaqmalçılıqla Mübarizə İdarəsində beşinci mərtəbənin pəncərəsindən yıxılaraq ölüb.

Bu barədə idarənin mətbuat xidmətindən məlumat verilib.

“Bizə 30 yaşlı Rusiya vətəndaşı tərəfindən narkotik vasitə - demetoksifenetilamin olan bağlamanın alınması barədə əməliyyat məlumatı daxil olub, cinayət işi başlanıb”, - qurumdan məlumat verilib.

Qeyd olunub ki, saxlanılan şəxs İqtisadi Cinayətlər və Qaçaqmalçılıqla Mübarizə İdarəsinə aparılıb. İstintaq başa çatdıqdan sonra o, pəncərədən yıxılıb.
İdarədən bildiriblər ki, hadisənin baş vermə şəraitinin aydınlaşdırılması üçün bütün lazımi tədbirlər görülür.

SEÇİLMİŞ XƏBƏRLƏR

DİGƏR XƏBƏRLƏR

XƏBƏR LENTİ
Top