“Sülhməramlıları yerində oturtmaq lazımdır” — Elçin Şıxlı

“Rusiya sülhməramlılarının Azərbaycanın media təmsilçilərinə münasibəti xoşagəlməzdir və bunu çox pis dəyərləndirirəm”. 

Bu fikirləri Demokrat.az-a açıqlamasında Azərbaycan Jurnalistlər Birliyinin sədri, "Ayna" və "Zerkalo" qəzetlərinin təsisçisi Elçin Şıxlı deyib. Tanınmış jurnalist qeyd edib ki, bu sülhməramlıların ikili standartıdır:

“Onlar bizim torpaqdadırlar və bizim torpaqda da bizi bəyənməyə bilməzlər. Yerlərində oturtmaq lazımdır və yavaş-yavaş da otuzduracağıq! Hər şey yaxşı olacaq. Son baş verən olaya münasibətim çox pisdir. Biz jurnalistik və bu barədə fəal olmalıyıq. Tez-tez o tərəflərə getmək istədiyimizi göstərməliyik ki, özlərini yığışdırsınlar. Ora bizim torpaqdır. Biz gedib hər şeyi görməli və baş verənləri millətə çatdırmalıyıq”. 

Nəzrin 
Demokrat.az