“Düşmənlər bilsinlər ki, biz millətik, biz kütlə deyilik!” — Flora Kərimova

Xəbər verdiyimiz kimi, Ukraynalı müğənni Maks Barskix ermənilərə dəstək olub. Bu barədə o, instaqram hesabında paylaşım edib.

Xalq artisti Flora Kərimova  Demokrat.az-a açıqlamasında bunları bildirib:

“Mənim Vətənim haqqında yek fikrim var. Mənim Vətənimin dostu dostumdur və bunun kəniziyəm, quluyam. Mənim Vətənimin əleyhinə danışan və burada hadisələri öz istədikləri kimi, bizi gözdən salmaq üçün yozan düşmənimdir.

 Ən önəmlisi dövlət başçısına bizim hər sözümüz, hər ürəyimiz ona dayaqdır, ona dəstəkdir. Bax bunu hər birimiz bilməliyik! Biz millətik, biz kütlə deyilik! Bunu da düşmənlər bilsinlər! Doğurdan da, şükür Allaha ki, Ali Baş Komandanımız çox mərd “Əlinin qılıncı” kimi onların axırına çatır”.

Aynurə
Demokrat.az