Sabiq icra başçısına hökm oxundu

HADİSƏ 08 iyl 2022, 12:14
Cəlilabad rayon İcra Hakimiyyətinin sabiq başçısı Namiq Zeynalovun barəsində olan cinayət işi üzrə məhkəmə prosesi keçirilib.

Demokrat.az xəbər verir ki, Lənkəran Ağır Cinayətlər Məhkəməsində hakim Xamməd Nuriyevin sədrliyi ilə baş tutan prosesdə hökm elan edilib.

Namiq Zeynalov 12 il müddətinə azadlıqdan mərhum edilib 

Qeyd edək ki, bundan əvvəlki prosesdə çıxış edən prokuror Namiq Zeynalovun 13 il müddətinə azadlıqdan məhrum edilməsini istəyib.

İstintaq orqanı tərəfindən Namiq Zeynalovun barəsində Cinayət Məcəlləsinin 179.2.2 (Mənimsəmə və ya israf etmə təkrar törədildikdə) 179.2.3 (şəxs tərəfindən öz qulluq mövqeyindən istifadə etməklə törədildikdə); 179.2.4 (xeyli miqdarda ziyan vurmaqla törədildikdə), 308.2 (Vəzifə səlahiyyətlərindən sui-istifadə), 311.3.3 (külli miqdarda rüşvət alma), 311.3.2 (təkrar rüşvət alma), 313-cü (Vəzifə saxtakarlığı) maddələri ilə ittiham elan edilib.

O, Cəlilabad rayon İcra Hakimiyyətində 2020-ci ilin dekabr ayında keçirilən xüsusi əməliyyat zamanı saxlanılıb.

Prezident İlham Əliyevin ötən il dekabrın 8-də imzaladığı sərəncamla Namiq Zeynalov Cəlilabad rayon İcra Hakimiyyətinin başçısı vəzifəsindən azad edilib.

Fariz Məlikli
Demokrat.az

DİGƏR XƏBƏRLƏR

XƏBƏR LENTİ
Top