Bakı Dövlət Universitetinin (BDU) rektoru Elçin Babayev Nazim Məcidovu tutduğu vəzifədən azad edib.
“MediaPost”un əldə etdiyi məlumata görə, E.Babayevin müvafiq əmri ilə, BDU-nun Tarixi Muzeyinin direktoru N.Məcidov vəzifəsindən azad olunub.
Məsələ ilə bağlı “MediaPost”a açıqlama verən Nazim Məcidov öz istəyi ilə vəzifəsindən ayrıldığını bildirib. O, hazırda işsiz olduğunu deyib.
Nazim Məcidov Universitetin Kadrlar şöbəsinin müdiri vəzifəsində də çalışıb.
Qeyd edək ki, Nazim Məcidov uzun illər Dənizkənarı Bulvar İdarəsinin rəis müavini vəzifəsində çalışıb.
