VI çağırış Milli Məclisin deputatı Erkin Qədirli bu gün döş nişanını almaq üçün Milli Məclisə gedib.
Demokrat.az xəbər verir ki, bu barədə deputat özü yazıb.
O qeyd edib ki, bu gün Milli Məclisin Katibliyində olub:
“Girişdə koronavirus yoxlanışından keçdim. Deputat nişanımı və rəsmi blanklarımı aldım. Vəsiqəni ikinci iclasda verəcəklərini söylədilər. Birinci iclas gələn həftə olacaq (günü hələ məlum deyil).
Bundan əlavə, iki komitəyə üzv yazıldım:
1) Hüquq siyasəti və dövlət quruculuğu (əsas komitəm);
2) Müdafiə, təhlükəsizlik və korrupsiya ilə mübarizə”.
