Kişinin sizə qarşı həqiqi hisslər bəslədiyini necə anlamaq olar? Psixoloq bunun əsas əlamətini açıqlayıb.
Demokrat.az xəbər verir ki, psixoloq Vitali Storceusova görə, insanın həqiqi marağı yalnız xoş sözlər və komplimentlərlə deyil, davranışları ilə də özünü göstərir.
Mütəxəssis bildirib ki, qarşı tərəfin mütəmadi olaraq ünsiyyət qurmağa çalışması, görüşmək üçün vaxt tapması və sizinlə yaxınlaşmaq üçün addımlar atması onun marağından xəbər verə bilər. Hətta insan məşğul olduğu zaman zəngə cavab verə bilməsə də, sonradan özü geri dönüş edirsə, bu, həmin ünsiyyətə əhəmiyyət verdiyini göstərə bilər.
Psixoloqun sözlərinə görə, münasibətin ilk mərhələsində hisslərin həqiqiliyini müəyyənləşdirmək üçün ən vacib məqam davranışları zamanla müşahidə etməkdir. Xüsusilə intim münasibətdən imtina edildikdən sonra qarşı tərəfin ünsiyyəti davam etdirməsi onun niyyətlərini daha aydın göstərə bilər.
Storceusov vurğulayıb ki, simpatiya, vurğunluq və sevgi eyni anlayışlar deyil. Güclü emosiyalar zamanla zəifləyə bilər, sağlam və uzunmüddətli münasibət üçün isə qarşılıqlı hörmət, dialoq, məsuliyyət və bir-birini şüurlu şəkildə seçmək vacibdir.
Mütəxəssis münasibətin əvvəlində yalnız qarşı tərəfin sizə olan hisslərinə deyil, onun dəyərlərinə, xarakterinə və çətin vəziyyətlərdə necə davrandığına da diqqət yetirməyi tövsiyə edib.
Jalə
