Kartof, pendir və qiyməli börekdən fərqli dad axtaranlar üçün balqabaqlı börek yaxşı alternativdir. Balqabaq soğan və ədviyyatlarla qovrularaq içlik hazırlanır, süd, yağ və yumurta ağı ilə hazırlanan sous isə yufkanın daha yumşaq və ləzzətli olmasına kömək edir.
Demokrat.az xəbər verir ki, içlik üçün 600 qram təmizlənmiş balqabaq sürtgəcdən keçirilir. Doğranmış soğan zeytun yağında qovrulduqdan sonra balqabaq əlavə edilir. Duz, qırmızı və qara bibər, pul bibər və kimyonla dadlandırılaraq təxminən 7-8 dəqiqə bişirilir.
Əsas məqamlardan biri balqabağın tam əzilərək püre halına gəlməməsidir. İçlik hazır olduqdan sonra mütləq soyudulmalıdır.
4 ədəd yufkanın üzərinə süd, duru yağ və yumurta ağından hazırlanan sous çəkilir. Yufkalar qatlanır, içlik yerləşdirilir və rulet formasında bükülərək yağlanmış soba qabına düzülür.
Üzərinə yumurta sarısı və süd qarışığı çəkilir, küncüt və çörəkotu səpilir. Börek əvvəlcədən 190 dərəcə qızdırılmış sobada 35-40 dəqiqə bişirilir. Sobadan çıxdıqdan sonra təxminən 10 dəqiqə dincə qoyulur.
Balqabaq çox sulu olarsa, sürtgəcdən keçirildikdən sonra yüngülcə sıxılmalıdır. İçlikdə artıq su qalmamalıdır. Əks halda yufka xəmir kimi yumşala bilər. Həmçinin isti içliyi yufkaya qoymaq olmaz.
İstəyə görə içliyə ağ pendir, lor və ya qoz əlavə etməklə dadı dəyişdirmək mümkündür.
