Hər bir söz, ad və tarix özünəməxsus enerjiyə malikdir. Numerologiyada hesab edilir ki, brendin adı layihənin kommersiya uğuruna birbaşa təsir göstərir.
Demokrat.az xəbər verir ki, bu barədə "La Opinion" yazır.
"Disney", "Microsoft", "General Motors" və "Citigroup" kimi qlobal korporasiyaların bazarda liderliyi qoruyub saxlamağa kömək etdiyi iddia edilən müsbət rəqəm kombinasiyalarına malik olduğu bildirilir.
Şirkətin rəqəmini müəyyənləşdirmək üçün hər hərfin 1-dən 9-a qədər müəyyən rəqəmə uyğun gəldiyi sistemdən istifadə olunur:
* 1 – A, J, S
* 2 – B, K, T
* 3 – C, L, U
* 4 – D, M, V
* 5 – E, N, W
* 6 – F, O, X
* 7 – G, P, Y
* 8 – H, Q, Z
* 9 – I, R
Addım-addım bütün hərflərin qiymətləri toplanır. Nəticə ikirəqəmli olarsa, birrəqəmli ədəd alınana qədər rəqəmlər yenidən toplanır. Məsələn, "Walt Disney" adı 42 nəticəsini verir, 4 + 2 isə 6-ya bərabərdir.
Sahibkarlıq üçün ən əlverişli hesab edilən üç rəqəm bunlardır:
* 5 rəqəmi: Sürətli hərəkətə, insanlarla asan ünsiyyətə və populyarlığa kömək etdiyi düşünülür. Reklam, marketinq, media və ticarət üçün daha uyğun hesab olunur. Uğurlu nəticələr 23, 32, 41, 50 və 68-dir.
* 6 rəqəmi: Maliyyə sabitliyini, etibarlılığı və balansı simvolizə edir. Tərəfdaşlarla möhkəm və uzunmüddətli əlaqələrin qurulmasına kömək etdiyi bildirilir. Müsbət kombinasiyalar 6, 15, 24, 33, 42, 51 və 87 hesab olunur.
* 9 rəqəmi: Liderlik, qlobal miqyas və qələbə ilə əlaqələndirilir. Ən uğurlu göstəricilər 27 və 45 hesab edilir. Bununla yanaşı, 18 kombinasiyasından uzaq durmaq tövsiyə olunur, çünki onun işgüzar məsələlərdə mübahisə və fikir ayrılıqlarına səbəb ola biləcəyi iddia edilir.
Jalə
