Bəzi insanların xarakterini bir neçə sözlə izah etmək çətindir. Astroloqlar bunun doğum ayı ilə əlaqəli ola biləcəyini və bəzi aylarda doğulan insanların daha qeyri-adi xüsusiyyətlərə sahib olduğunu iddia edirlər.
Demokrat.az "Parade"yə istinadən xəbər verir ki, astroloji yanaşmaya əsasən, fevral, iyun, sentyabr və noyabr aylarında doğulan insanlar müstəqillikləri, fərqli düşüncələri və gözlənilməz davranışları ilə seçilə bilərlər. Onların başqalarının fikrinə kor-koranə uyğunlaşmadığı və həyat boyu xarakterlərində dəyişikliklər yaşaya bildiyi bildirilir.
Fevral – müstəqil və fərqli düşünənlər
Fevral ayında doğulanların dünyaya fərqli prizmadan baxdığı düşünülür. Astroloji baxımdan bu ayda Dolça və Balıqlar bürcləri üstünlük təşkil edir.
Belə insanların qeyri-adi mövzulara maraq göstərdiyi, ənənəvi yanaşmaları sorğuladığı və problemlərin həlli üçün öz üsullarını yaratmağa çalışdığı iddia olunur. Onlar hazır qaydalara əməl etməkdənsə, məsələləri müstəqil şəkildə araşdırmağa üstünlük verə bilərlər.
İyun – müxtəlif insanlarla asan ünsiyyət quranlar
Astroloqlar iyunda doğulan insanların fərqli insanlara və vəziyyətlərə tez uyğunlaşa bildiyini düşünürlər. Onlar həm yaxınları ilə ciddi söhbətlərdə, həm də tanımadıqları insanların olduğu böyük mühitdə özlərini rahat hiss edə bilərlər.
İyun ayında Əkizlər və Xərçəng bürcləri yerləşdiyindən, bu ayda doğulanlar maraq, çeviklik və emosional həssaslıqla əlaqələndirilir.
Onların müxtəlif şəraitə uyğunlaşmaq bacarığı bəzən qeyri-sabitlik kimi qəbul edilə bilər. Lakin astroloji şərhə görə, bu insanlar sadəcə fərqli xarakterlərə malik şəxslərlə rahat ünsiyyət qurmağı bacarırlar.
Sentyabr – özünə güvənən və dəbə uymayanlar
Sentyabrda doğulanların sakit özünəinamı ilə seçildiyi bildirilir. Onların özlərini başqalarına sübut etmək və əldə etdikləri uğurları nümayiş etdirmək ehtiyacı hiss etmədiyi düşünülür.
Əgər müəyyən həyat tərzi, hobbi və ya vərdiş onlara uyğundursa, bunu uzun illər dəyişmədən davam etdirə bilərlər. Bu insanlar dəbə uyğunlaşmaq əvəzinə, öz inanclarına və rahatlıqlarına uyğun seçim etməyə üstünlük verirlər.
Sentyabr ayında Qız və Tərəzi bürcləri doğulduğundan, astrologiyada bu ay analitiklik, təmkin və balans axtarışı ilə əlaqələndirilir.
Noyabr – sirli və gözlənilməz
Noyabrda doğulan insanlar astroloqlar tərəfindən xarakterini bir mənalı şəkildə müəyyənləşdirmək çətin olan şəxslər kimi təqdim edilir. Onlar özlərinin bütün xüsusiyyətlərini ilk baxışdan nümayiş etdirməyə bilər və hətta yaxınları belə zaman keçdikcə onların yeni tərəflərini kəşf edə bilərlər.
Astroloji yanaşmaya görə, noyabrda doğulanlar həyat boyu inkişaf etməyə və dəyişməyə meyilli olduqları üçün onları konkret bir xüsusiyyətlə xarakterizə etmək çətindir.
Bu ay Əqrəb və Oxatan bürclərini əhatə edir. Astrologiyada həmin bürclər dərinlik, güclü xarakter və yeniliklərə maraqla əlaqələndirilir.
Jalə Demokrat.az
