Demokrat.az "Anadolu" agentliyinə istinadən xəbər verir ki, Türkiyə Prezidenti Rəcəb Tayyib Ərdoğan hökumətin iclasında KKTC-ni tam olaraq dəstəklədiklərini bildirib.
O, qeyd edib ki, Ankara Kipr türklərini dəstəkləməyə və tanınmamış Şimali Kipr Türk Respublikasında yeni infrastruktur layihələrini həyata keçirməyə davam edəcək.
Nazirlər Kabinetinin iclasından sonra Ərdoğan vurğuladı ki, Şərqi Aralıq dənizindəki Kipr türklərinin "suveren bərabərliyini, hüquqlarını və qanuni maraqlarını" nəzərə almayan heç bir təşəbbüs uğur qazana bilməz. O, həmçinin bildirdi ki, Türkiyə Kiprin yeni hərbi ittifaqlara və geosiyasi layihələrə daxil edilməsi cəhdlərini yaxından izləyir.
Ərdoğan bildirib ki, Türkiyə nəyin bahasına olursa-olsun, nə Şimali Kiprdəki türk soydaşlarını tək qoyacaq, nə də keçmişdəki faciələrin təkrarlanmasına yol verəcək. Onun sözlərinə görə, Ankara Kiprin işğal altındakı şimal hissəsinin infrastrukturuna genişmiqyaslı investisiyalar yatırmağa davam edəcək. Xüsusilə, adaya su təchizatı layihəsinin həyata keçirilməsindən sonra hakimiyyət orqanları sualtı qaz kəməri inşa etməyi planlaşdırır.
Alparslan Demokrat.az
